El úshin mańyzdy qujattar Erevanda talqylandy

Jýyrda Erevan Memlekettik ýnıversıtetinde Elbasy N.Nazarbaevtyń Qazaqstan halqyna arnaǵan dástúrli Joldaýyn nasıhattaýǵa jáne elimizdegi konstıtýsııalyq reformalar taqyrybyna arnalǵan dóńgelek ústel ótti. Bul týraly elimizdiń Syrtqy ister mınıstrligi habarlady. Dóńgelek ústelge Armenııa par­lamenti­niń depýtattary, mem­lekettik organ­dary­nyń qyz­met­kerleri, akademııalyq, sarap­­shy­lyq jáne iskerlik ortanyń beldi tulǵalary, buqaralyq aqparat qural­­darynyń ókilderi qatysty. Aldaǵy sáýir aıynda Armenııada parlamenttik saılaý ótetinin, sonymen qatar, el konstıtýsııa­syna engizilgen ózgerister boıynsha bul eldiń parlamenttik basqarýǵa kóshetinin eskersek, dóńgelek ústel taqyryby ózekti bolǵany túsinikti. Basqosýdyń betasharynda Qazaq­stan­nyń Armenııadaǵy el­shisi Tımýr Ora­zaev sóz alyp, qatysý­shylarǵa elimizdiń syrtqy jáne ishki saıasaty týraly, onyń negizgi baǵyttary jóninde baıandady. El ekonomıkasyn keshendi jetildirý, jahan­dyq básekege qabilettilikti arttyrý úshin qolǵa alynǵan jumystar barysy týraly aıtty. Armenııa parlamentiniń de­pýtaty A.Babýhanıan óz sózinde saıası, eko­nomıkalyq salalardaǵy jos­par­lar men ony is júzine asyrýda Qazaq­standa oń úrdis qalyptasqanyn tilge tıek etti. Depýtat­tyń paıymdaýynsha, N.Nazarbaevtyń Jol­daýynda kórsetilgen bastamalar tek Qazaqstan úshin ǵana emes, jahandyq talaptarmen betpe-bet kelip otyrǵan basqa da damýshy elder úshin mańyzdy bolyp tabylady. Armenııa Ákimshilik sotynyń tóraǵasy K.Matevosıan Qazaqsannyń memleket­tik basqarý júıesindegi ózgeristerdiń ýaqtyly qolǵa alynǵanyn ári onyń oń nátıje beretinin atap ótti. Jıyn sońynda qatysýshylarǵa Kons­tıtýsııaǵa engizilgen ózgerister men El­basy Joldaýynyń armıan tiline tárji­malanǵan mátini, Qazaq­stan týraly aq­parattar toptasty­rylǵan basqa da kitap­tar men materıaldar taratyldy.