Taraz taýarlary Aqtóbege jol tartty

О́ńiraralyq yntymaq­tas­tyqty nyǵaıtý aımaqtar arasynda básekelestikti damytyp qana qoımaı, óz kezeginde taýar óndirýshilerdiń de tájirıbe almasýyna mol múmkindik týǵy­zady. Ári óndirilgen taýarlardy qoljetimdi baǵamen halyq ıgiligine usyný da ekijaqty ekonomıkalyq, áleýmettik baı­lanystardy nyǵaıtyp, qalyp­tastyrady. Osy maqsatta taıaýda Jambyl oblysynan azyq-túlik tıelgen avtokerýen Aqtóbe qalasyna jol tartty. Jambyldyq taýar óndirýshiler óz ónimderin 18-19 naýryz kúnderi arnaıy uıym­dastyrylǵan jármeńkede Aqtóbe halqyna saýdalaıtyn bolady. Aýylsharýashylyq jármeń­kesinde jalpy quny 105,5 mıllıon teńgeni quraıtyn 177 tonnadan astam aýylsharýashylyq taýarlary usynylady. Onyń ishinde 25 tonnaǵa jýyq jylqy, taýyq, shoshqa eti ónimderi, 10 tonna shujyq ónimderi, 13 tonna sút ónimderi, 5 myń dana jumyrt­qa, 1,5 tonna kondıterlik ónimder men 6 tonna makaron ónimderi, sondaı-aq, 10 tonna qant, 0,5 tonna tuz, 7 tonna balyq, 2 tonna bal jáne 80 tonna jemis-jıdek pen kókónis ónimderi bar. Jármeńkede usy­nylatyn taýar baǵalary naryq baǵasynan 8-20 paıyzǵa tómen bolady dep josparlanyp otyr. Bul da turǵyndar arasynda qolje­timdilikti arttyryp, baǵa turaqtylyǵyn saqtaýǵa oń áserin tıgizetini sózsiz. Hamıt ESAMAN, «Egemen Qazaqstan» Jambyl oblysy