Astanada halyqaralyq óner festıvali ashylady

25 naýryzda saǵat 10:00-da M.О́temisuly atyndaǵy oqýshylar saraıynda «Shashý» halyqaralyq óner festıvali ashylady, dep habarlaıdy elorda ákimdiginiń resmı saıty. Sharany uıymdastyrýshylar – Astana qalasynyń bilim basqarmasy, M.О́temisuly atyndaǵy oqýshylar saraıy, «ART-ShAShÝ» QQ. Festıval túrli memleketterdegi balalar men jasóspirimder arasyndaǵy mádenı jáne dostyq qarym-qatynasty nyǵaıtýǵa, shyǵarmashylyqty qoldaý men damytýǵa, shyǵarmashylyq ujymdardyń óner jetistikterimen jáne tájirıbesimen bólisýge, balalar men jasóspirimderdi Qazaqstannyń mádenı baılyǵymen tanystyrýǵa baǵyttalǵan. «Shashý» halyqaralyq festıvaline elimizdiń daryndy balalary men jastary, sonymen qatar Reseı Federasııasynyń, Saha (Iаkýtııa) Respýblıkasynyń, Qyrǵyzstannyń shyǵarmashylyq ujymdary qatysady. «Vokal» (estradalyq, halyqtyq, akademııalyq), «horeografııa» (halyq bıi , halyqtyq – stıldi bıi, qazirgi zamanǵy bı jáne estradalyq bı, balalar horeografııasy), «ınstrýmentaldyq janr» (solo, ansamblder jáne orkestrler), «halyq áni» ispetti janrlar boıynsha 700-den astam qatysýshy ózderiniń sheberligin synaıdy. Qazylar alqasynyń quramynda QR óner qaıratkerleri, mádenıet qaıratkerleri, estrada juldyzdary bar. Festıvaldiń qorytyndysy boıynsha jeńimpazdardy marapattaý saltanaty jáne Gala-konsert ótedi. Mádenı shara 29 naýryzǵa deıin jalǵasyn tabady.