Shekarashylar sharasy

Keshe UQK Shekara qyzmeti akademııasynyń saptyq alańynda, Qazaqstan Respýblıkasy Prezıdentiniń Jarlyǵyna sáıkes, «El Táýelsizdiginiń 25 jyldyǵyna oraı «Memlekettik shekaranyń» taqyryptyq kúnin atap ótýge arnalǵan merekelik shara ótti. Mundaı jıyn osy kúni elimizdiń ár óńirinde ótkizildi. Jıyn bary­synda egemendiktiń mańyzdy sharty bolyp tabylatyn memlekettik shekara máselesiniń halyqaralyq-qu­qyq­­tyq resimdelýi jáne Qazaqstan mem­lekettiliginiń mańyzdy belgisi ekendigi atap ótildi. Táýelsizdik­tiń alǵashqy kún­derinde Memleket basshysy Nursultan Nazarbaev: «Biz úshin Qazaq­stannyń táýelsizdigi men aýmaqtyq tutastyǵyn saqtaýdan ma­ńyzdy mindet joq», – degen bolatyn. Sal­tanatty sapta júrgen sarbazdar kúnniń saqyldaǵan aıazyna qaramaı, boılaryndaǵy Otanǵa degen órshil rýhty ańǵartty. Elbasymyzdyń «Tuńǵysh ret tarıhta bizdiń memleket halyqaralyq dárejede tanylǵan naqty shekarasyn belgiledi. 14 myń shaqyrym memlekettik shekara mejelendi», dep aıtqany esimizde. Aýqymdy ister arqasynda ata-babalarymyzdan mura bolyp qalǵan jerimiz qaıta qalpyna keltirildi. Sar­bazdardy eńselendirgen sondaı eren isterdiń aıbary sekildenedi. Kók tý­dyń jelbiregeni... mereıimizdi kóteretini­niń bir aıǵaǵy dep bilemiz. Sarbazdar aldyn­da sóz sóılegen «Zastava tar­landary» qaýymdastyǵynyń tóraǵasy, otstavkadaǵy general-maıor Marat Májıtov osy jóninde aıtty. Bul merekelik jıynǵa Shekara qyzmetiniń Almaty garnızondary boıynsha áskerı bólimderi, «Nur Otan» partııasy Almaty qalalyq bólimshesiniń ókilderi, akademııa ardagerleri men basshylyq quramy qatysty. Saparbaı PARMANQULOV, «Egemen Qazaqstan» ALMATY