Táýelsizdiktiń 25 jyldyǵy Deklarasııasyna baılanysty Assambleıanyń úndeýi

Qurmetti otandastar! Ardaqty aǵaıyn! Búgin, Qazaqstan halqy tarıhı oqıǵanyń – Qazaqstan Respýblıkasy Táýelsizdiginiń 25 jyldyǵy Deklarasııasyn qabyldaýdyń kýágeri men qatysýshysy boldy. Deklarasııa, Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń basshylyǵymen Táýelsiz Qazaqstannyń qalyptasý joly men aýqymdy jetistikterin, Uly Dala eliniń «Máńgilik El» qundylyqtary aıasyndaǵy jeńisterin beıneleıtin mańyzy erekshe qujat bolyp tabylady. О́tken 25 jyl – bul bizdiń halqymyzdyń asa qymbat qundylyǵyna aınalǵan Táýelsizdiktiń Uly joly, Qazaqstannyń árbir azamatynyń qosqan úlesi jáne eren eńbegi. Elimizdiń tabysty damýynyń berik irgetasy Memleket basshysynyń qoǵamdyq kelisim men jalpyulttyq birlik úlgisi ekenin Qazaqstan halqy Assambleıasy erekshe atap ótedi. Táýelsizdik jyldary biz elimizdiń ıgiligi úshin birge, bir otbasyndaı jumys istedik. Birlik, beıbitshilik pen kelisimdi bizdiń qoǵamnyń adamgershilik jáne etıkalyq normalary retinde qalyptastyrdyq. Táýelsizdiktiń 25 jyldyǵy Deklarasııasy – bul Qazaqstannyń qazirgi jáne bolashaq urpaqtaryn, bizdiń basty jáne qasterli qundylyǵymyz –egemendik pen Táýelsizdikti saqtaý men nyǵaıtýǵa, «Máńgilik El» qundylyqtaryn ardaqtaýǵa jáne arttyrýǵa shaqyrý. Biz Táýelsizdiktiń Uly jolyn máńgilik etý úshin Táýelsizdiktiń 25 jyldyǵy Deklarasııasynda kórinis tapqan, astanada «Táýelsiz Qazaqstan» monýmentin ornatý ıdeıasyn tolyq qoldaımyz. Qazaqstan halqy Assambleıasy Tuńǵysh Prezıdent – Ult Kóshbasshysy Nursultan Ábishuly Nazarbaevtyń bizdiń memleketimizdiń qurylysyna qosqan úlesin Konstıtýsııada atap ótý bastamasyn, sondaı-aq, Elbasynyń atyn astananyń jáne basqa da mańyzdy nysandardyń ataýynda kórsetý týraly bastamany tolyq qoldaıdy. Bul sheshim, elimizdi qurý men tabysty damytýdaǵy Memleket basshysynyń tarıhı róline Qazaqstan halqynyń bildiretin qurmetiniń zańdy jáne obektıvti kórinisi bolyp tabylady. Táýelsizdiktiń 25 jyldyǵy Deklarasııasy, qazaqstandyqtardyń el ıgiligi men «Qazaq­stan-2050» Strategııasynyń maqsattaryna qol jetkizý úshin, Elbasynyń aınalasyna toptasýǵa umtylystaryn nyǵaıta túsedi. Biz, Bolashaǵy Birtutas ulttyń ál-aýqatyn arttyrýdyń negizi bolyp tabylatyn el birligin, beıbitshilik pen kelisimdi bizdiń strategııalyq artyqshylyqtarymyz dep sanaımyz. Biz, Qazaqstan halqyn Táýelsizdiktiń 25 jyldyq mereıtoıymen quttyqtaımyz jáne árbir qazaqstandyqty qasıetti Uly Dala eliniń jerinde gúldengen Qazaqstandy nyǵaıtýǵa óz eńbegimen úles qosýǵa shaqyramyz! Qazaqstan halqy Assambleıasynyń Keńesi 2016 jylǵy 23 qarasha