N.Nazarbaev: Keńes odaǵynyń qulaýy tabıǵı prosess edi

Keńes odaǵynyń ydyraýy tabıǵı prosess boldy dedi Memleket basshysy Nursultan Nazarbaev «Rossııa 24» telearnasyna bergen suhbatynda. «О́tkenimizdiń jaqsy nemese jaman bolýy  - tarıh enshisinde. Tarıhty qaıta jasaı almaısyń jáne "eger bylaı bolǵanda" dep sóıleý de bul rette orynsyz. Men adamdardyń barlyq talqylaýlaryn oqımyn, estımin. Maǵan ár ýaqytta da osy saýaldy qoıatyn sebebin de túsinemin. Men sol ýaqyttaǵy daýyldyń ortasynda qaldym desem de bolady. Barlyǵyn óz kózimmen kórdim, sezindim. Árıne, ýaıymdadym da. Eger esterińizde bolsa, osynaý býyrqanǵan pikirtalastar sońǵy jyldary halyq depýtattary sezinde júrip jatqan kezde Ortalyq Azııa men Qazaqstannyń depýttary reformalar men Keńes odaǵyn saqtap qalý jaǵynda bolǵan edi. Osylaı boldy, óıtkeni qarym-qatynas sondaı edi. Túrli joramaldar jasaýǵa bolady. Biraq Odaqtyń ydyraýy tabıǵı prosess», - dedi Nazarbaev. Memleket basshysy básekelestikke shydaı almaıtyn kompanııalardyń barynsha tabysty kompanııalarǵa jutylyp ketetindigin mysalǵa keltirdi. Elbasy atap ótkendeı, Keńes odaǵy barlyq soǵystarda jeńiske jetkenimen, jahandyq ekonomıka jarysynda onyń ekonomıkalyq resýrstary jetispedi jáne sonyń saldarynan KSRO-nyń saıası jaǵdaıy jeńiliske ushyrady.