BIZ EL BIRLIGI – ORTAQ MAQSAT

Shynyn aıtatyn bolsaq, Qa­zaqstan halqy Assambleıasynyń XV sessııasyn asyǵyp ta, tolǵanyp ta kútkenimiz ras. Egemendi elimizdiń dúnıe júzindegi alpaýyt memleket­ter­men terezesin teń ustap kele jat­qany, halyqaralyq qoǵam­das­tyq­tyń moıyndap, EQYU-ǵa tór­aǵalyqqa saılanýy ár qazaq­stan­dyqtyń júreginde úlken qýanysh sezimin uıalatqany túsinikti.

Qa­zaq­standa turyp jatqan 130 etnos ókiline ultyna qaramaı, dinine qa­ramaı birdeı jaǵdaı jasalyp otyr­ǵany Elbasymyz N.Á.Nazar­baevtyń syndarly saıasatynyń arqasynda ekeni bar­shamyzǵa belgili jáıt. Sessııada usynylǵan Qazaqstannyń el birligi doktrınasy keleshegimizdiń stra­te­gııa­lyq baǵdarlamasy jáne teńdesi joq qujat bolatyny eshkimniń kó­ńiline kúmán keltirmes dep oılaımyn. Sessııa jumysyna oblysymyz­dan Assambleıa múshelerimen qatar, etnomádenı birlestikterdiń ókilderi qatynasyp qaıtty. Qazaqstan halqy Assambleıasynyń birinshi sessııasynan qatysyp kele jatqan, túri basqa bolsa da, tilegi bir Ertis óńiriniń órkendeýine óz úlesterin qosyp júrgen Pavlodar qalasynyń qurmetti azamaty, ázirbaıjan ultynyń ókili D.Mahmýdov, ýkraın ultynyń perzenti M.Parıpsa, evreı ultynyń ókili F.Svechınskaıa jáne basqa da áriptesterim ses­sııa­ǵa daıyndyqtyń jaqsy júrgi­zil­genin, onyń barysynda bos sózden góri naqty usynys kóp aıtylǵanyn atap kórsetti. Al Doktrınany eli­miz­degi etnosaralyq birlikti qam­tamasyz etýde memlekettik saıa­sat­tyq uzaq merzimdi strategııalyq ba­symdyǵy deńgeıine kóterý búgingi kúnniń basty mindetteriniń biri bolyp tabylady. Qazir Pavlodar oblysynda júzden astam etnos ókilderi tatý-tátti ómir súrip jatyr. Assambleıa qurylar 1995 jyly úsh etnos ókili ǵana ózderiniń mádenı orta­lyq­ta­ryn qurǵan bolsa, búginde obly­symyzda 19 etnomádenı birlestik etnosaralyq jáne konfessııa­ara­lyq túsinistikti qamtamasyz etýge óz úlesterin qosyp keledi. Oblys as­sam­bleıasynyń alty fılıaly qa­lyptasqan, olardyń ishinde elimiz­diń energetıka salasynyń alyby bolyp tabylatyn Ekibastuz qa­la­synda jáne óńirimizdiń iri aýyl sharýashylyǵy damyǵan, kóp etnos ókilderi turatyn Sharbaqty, Aq­to­ǵaı jáne Qashyr aýdandarynda qyzmet isteýde. Sonymen qatar, ár etnos ókilderi ornalasqan aýdan ortalyqtary men aýyl-selolarda óńi­rimizdegi etnomádenı birlestik­ter­diń 47 fılıaly bar. Máselen, Aqsý qalasynda, Lebıaji aýdanyndaǵy Besqaraǵaı aýylynda ótken Assambleıa kúnderi qatardaǵy etnos ókilderiniń eńsesin bir kóterip tastaǵanyn aıtý qajet. Osy kezdesýlerde ár etnostyń mádenıetin, salt-dástúrin, qol-ónerin jan-jaqty nasıhattaýǵa bar múmkindik paıdalanyldy. Bıylǵy jyldyń ózinde “Dostyq úıinde” nemis jastarynyń festıvali, “El­pıda dostaryn shaqyrady” atty grek ulttyq birlestiginiń on jyl­dyǵyna oraı ótken respýblıkalyq festıvali jáne Polsha máde­nıe­tiniń kúnderi pavlodarlyqtardyń es­terinde kópke deıin qalary sózsiz. Doktrınada aıqyn kórsetil­gen­deı, til saıasaty, bilim berý men tárbıe salalarynda iske asyrar shara-maqsattar kóp, biz ony oblys assambleıasy sessııasynda jan-jaqty talqylap, naqty-naqty sheshimder qabyldaıtyn bolamyz. Sessııada qabyldanǵan úndeýdi talqylaý sheńberinde men Shar­baq­ty, Ýspen jáne Aqtoǵaı aýdan­da­rynda kóptegen etnos ókilderimen kezdeskenimde kózimniń jetkeni – ár etnos ókilderi Qazaqstan Res­pýblıkasynyń Prezıdenti N.Á.Na­zarbaevtyń sessııada aıtylǵan qa­ǵıdalaryn tolyqtaı qoldaıtyny. Al bizdiń eń bir baǵa jetpes baı­lyǵymyz – birligimiz dep bilemiz. Idııat ÁBDIHALYQOV, Pavlodar oblysy Qazaqstan halqy Assambleıasy tóraǵasynyń orynbasary. Pavlodar.