Úkimet agroónerkásip keshenin damytý baǵdarlamasyn ázirledi

Úkimettiń 2017-2021 jyldardaǵy jańa AО́K damytý memlekettik baǵdarlamasy aýyl turǵyndarynyń qarjylyq resýrstarǵa qoljetimdiligin arttyrýǵa múmkindik beredi 2017-2021 jyldardaǵy jańa AО́K damytý memlekettik baǵdarlamasynyń aıasynda Úkimet otandyq aýylsharýashylyq óndirýshilerin shaǵyn nesıemen qoldaý sharalaryn keńeıtedi. QR Premer-Mınıstriniń orynbasary – Aýyl sharýashylyǵy mınıstri Asqar Myrzahmetov óz sózinde «QazAgro» UBH» AQ jelisi boıynsha nesıeleý qaıta qarastyrylatynyn jetkizdi. Sonymen qatar, aýylsharýashylyq ónimderin óndirýshilerdiń barlyq kategorııalaryn nesıelik resýrstarmen qamtýdy keńeıtý josparlanǵan. Taǵy bir aıta keterligi, memlekettik baǵdarlama aıasynda mal sharýashylyǵyn sýbsıdııalaý baǵdarlamasyn jetildirý qarastyrylýda, sondaı-aq ósimdik sharýashylyǵyn sýbsıdııalaý tıimdiligin arttyrý kózdelýde. Elbasy N.Nazarbaevtyń tapsyrmasy boıynsha agrarlyq sektordy jedel damytý mindeti alǵa qoıylǵany belgili. Osyǵan baılanysty el Úkimeti 2017-2021 jyldarǵa arnalǵan Agroónerkásip keshenin damytý memlekettik baǵdarlamasyn ázirledi. Sonyń nátıjesinde taıaý bes jyl ishinde aýyl sharýashylyǵy ónimderin óndirý men óńdeý ekonomıkany ártaraptandyrý men ósimniń negizgi draıveri bolýǵa tıis. QR Úkimetiniń otyrysynda 2017-2021 jyldardaǵy jańa AО́K damytý memlekettik baǵdarlamasyn talqylaýǵa Aqtóbe oblysynyń ákimi Berdibek Saparbaev, Almaty oblysynyń ákimi Amandyq Batalov, «Taıynsha-Astyq» JShS bas dırektory Anatolıı Rafalskıı, «RZA» AQ prezıdenti Samurat Imandosov, «Agrotreıdıng» JShS dırektory Sergeı Mılenko, «Agrotreıdıng» Dırektorlar keńesiniń tóraǵasy Dın Kım qatysty. Arnur ASQAR, «Egemen Qazaqstan»