Internetke memlekettik tapsyrys berile me?

Atameken Businees Channel telearnasynyń tikeleı efırdegi baǵdarlamasyna qatysqan QR Aqparat jáne kommýnıkasııalar mınıstri Dáýren Abaev aqparat týraly jańa zańǵa qajetti uǵymdar týraly sóz qozǵady. Qazaqstandaǵy ınternet-jýrnalıstıkanyń damý múmkindikteri týraly sózinde mınıstr blogerler qyzmetin zańdyq turǵyda retteý týraly da aıtyp ótti. "Qazaqstanda basqa elderdegi sekildi qyzmet bolýy úshin bizde de túsinik apparaty bolǵany jón. О́kinishke oraı, 1999 jyly qabylanǵan BAQ týraly zańda ol qarastyrylmaǵan. Biz olarǵa bir qyzmet usynyp nemese blogerlermen keri baılanys ornatý úshin olar resmı tirkelýi tıis. Biraq bul ár adamnyń óz erkinde. Iаǵnı, eshkimdi kúshtemeımiz, eshkimdi mindettemeımiz. Iаǵnı, keıbir memleketterde saǵan tirkelgen adamdardyń belgili bir sany "bloger" atanýǵa múmkindik beredi. Bizde ondaı túsinik joq. Olarǵa salyq tóle dep te eshkim aıta almaıdy. Kerisinshe, bul jaǵdaı olarmen quqyqtyq qatynas ornatýǵa septigin tıgizýi kerek. Iаǵnı, sonda ǵana biz olarǵa tapsyrys berip, eńbekterine aqy tóleıtin  bolamyz", dedi mınıstr. Sonymen qatar memlekettik bıýdjetti bólý kezinde ınternette melekettik tapsyrys oryndaý áli qarastyrylmaǵanyn aıtty. "Bul óte kúrdeli másele. Biz áli ony qarastyryp jatqan joqpyz. Árıne, bul múmkin. Biraq ol zańda da aıtylýy tıis", dep atap ótti Dáýren Abaev.