«Biz, Nazarbaev ýnıversıtetiniń túlekteri, osy ýaqytqa deıin qol jetkizgen abyroıdy bıik ustaýǵa tyrysamyz. Bolashaqta Nazarbaev ýnıversıteti álem moıyndaǵan ýnıversıtetke aınalyp, sizdiń asqaq armanyńyz oryndalady dep kámil senemiz», dedi túlekter óz sózinde.
Prezıdent tuńǵysh doktoranttardyń biri Qazaqstannyń qıyr shyǵysy Katonqaraǵaıdan, endi biri soltústik óńirden, sol sııaqty elimizdiń barlyq oblystarynan jınalǵanyn jetkizip: «Talantty bolsa, báriniń múmkinshiligi bar» dedi. Osylaısha, Nazarbaev ýnıversıtetiniń bilim báıgesinde barlyq jastarǵa qushaǵy ashyq ekenin eske salyp, eńbek maıdanyna qanat qaqqan túlekterge aq jol tiledi.
Ýnıversıtet basshysy Shıgeo Katsý osynaý qýanyshty sátti bólisýge kelgen Elbasyǵa alǵys aıtty.
Dýman ANASh,
«Egemen Qazaqstan»
