Refık Týran, Túrik tarıhy qurylymynyń basshysy, professor (Túrkııa):
– Álem ǵalymdary bas qosqan alqaly jıynnyń taqyryby Qazaqstan Respýblıkasynyń prezıdenti Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyna arnalyp otyr. Maqalada qoǵamdyq sana jańǵyrýynyń negizgi qaǵıdalaryn qalyptastyrýdy ǵana emes, zaman synaǵyna laıyqty tótep berýge qajetti naqty jobalardy júzege asyrýdyń mindetterin usyndy. Qazaqstanda túbegeıli jańǵyrý jáne jańa ıdeıalar arqyly bolashaǵyn baıandy ete túsýdiń jańa múmkindikteri aldyńǵy orynǵa shyǵyp otyrǵanyna kýámiz. Búgingi forýmda búkil álemdegi túrki halyqtarynyń tili men ózara mádenı baılanystarynyń eń mańyzdy máseleleri talqylanyp, onyń bolashaqtaǵy damýy jaıly sóz bolýy forým taqyrybynyń mán-maǵynasyn keńinen ashyp berdi. Ǵalymdar túrki áleminiń tili, ádebıeti men mádenıetine qatysty sońǵy jańalyqtarymen bólisip, keleli sheshimderge keledi. Sebebi, qazirgi kúnde túrki halyqtarynyń tili, san túrli etnıkalyq mádenı álemi jaıyndaǵy máselelerdiń ǵylymı jáne saıası jaqtan oń sheshimin tabýy óte mańyzdy. Ortaq tarıhymyzdy jáne mádenıetimizdi álemge tanytý, keler urpaqqa jetkizýdi maqsat etken mundaı aýqymdy sharalar aldaǵy ýaqytta basqa da Túrki memleketterinde jalǵasyn tapsa deımiz.
Aıa О́MIRTAI,
«Egemen Qazaqstan»
