Resmı málimetke sáıkes, belsendi asa iri kólemdegi alaıaqtyq jasaǵany úshin jáne bir top adam bolyp aǵashtardy zańsyz kesý faktileri boıynsha kúdikke ilingen. Qazirgi ýaqytta is boıynsha qajetti tergeý amaldary júrgizilip jatyr.
Erlan О́tegenovtiń aıtýynsha, kúdikke ilingen zańbuzýshylyqtar Boqaev ulttyq kompanııada qyzmet etip júrgen kezde jasalǵan bolýy múmkin.
«Qylmystyq is onyń ulttyq kompanııada jumys istegen kezeńine qatysty qozǵalǵan. Tergeý aıaqtalǵan soń tolyq aqparat beriledi», dedi Bas prokýrordyń orynbasary Senattaǵy brıfıng barysynda.
Ashyq derekkózderge súıensek, Sanjar Boqaev 2015-2017 jyldary «QazTransGaz» kompanııasynda basqarma tóraǵasynyń keńesshisi qyzmetin atqarǵan. Budan ózge ulttyq kompanııalardaǵy qyzmeti týraly naqty málimetter qoljetimdi emes.
Eske sala keteıik, 18 naýryz kúni belsendiniń ustalǵany belgili boldy. Keıin sot kúdiktige qatysty qamaýǵa alý túrindegi bultartpaý sharasyn sanksııalady.
Quzyrly organdar istiń barlyq mán-jaıy tergeý aıaqtalǵan soń tolyq jarııalanatynyn málimdedi.
