Foto: Aqorda
Saıasat Nurbek Prezıdentke jańa Konstıtýsııanyń bilim jáne ǵylym salalaryndaǵy áleýeti jaıynda málimet berip, adam kapıtalyn damytatyn ekojúıe qurý sharalary men talanttardy úzdiksiz qoldaý tetigin tanystyrdy.
Sondaı-aq eńbek naryǵyn zertteý nátıjeleri men 2030 jylǵa deıingi mamandarǵa suranys boljamyn usyndy. Jańa tıptegi bul joba bilim berý men óndiris úderisine jasandy ıntellektini paıdalanady.
Mınıstr ınnovasııalyq klasterler men ǵylym qalashyqtary sııaqty ǵylymı-óndiristik aımaqtardy qurý josparymen de bólisti.
Aıda Balaeva: Qazaqstanda 700-den astam bilim berý baǵdarlamasy qysqartylady
DeepTech pen kúrdeli óndiristerdi damytý modeline kóshý júıeli túrde qolǵa alynǵanyn jetkizdi. Munda joǵary oqý oryndary men oblys ákimdikteriniń ózara baılanysy aıryqsha mánge ıe. Bul tehnologııalyq mindetter men keleshegi zor baǵyttardy anyqtaýǵa jol ashady. Atalǵan mehanızm aıasynda ǵylymı-zertteý jáne tájirıbelik-konstrýktorlyq jumystar júrgiziledi, ónerkásip úlgileri jasalyp, óndiris iske qosylady.
Ǵylymı saıasatty jetildirýdi kózdeıtin reformalar jalǵasyp jatyr. Mınıstrlik ǵalymdardy memleket tarapynan qoldaýǵa, granttar men syılyqtar berýge, ǵylymı taǵylymdamaǵa jiberýge, sondaı-aq jas ǵalymdardy baspanamen qamtýǵa erekshe mán beredi.
Memleket basshysy Ǵylym jáne joǵary bilim mınıstrine joǵary bilim sapasyn arttyrý, ǵylymı zertteýlerdi damytý jáne olardy kommersııalandyrý, ınnovasııalyq qyzmetti yntalandyrý, ınfraqurylym men sheteldik ýnıversıtet fılıaldarynyń jumysyn jetildirý boıynsha birqatar tapsyrma berdi.
