Mansýra Haıdar, Indıra Gandı atyndaǵy Ulttyq mádenıet ortalyǵynyń professory (Úndistan):
– Búgingi Qazaqstan – progresshil ıdeıalar, ınnovasııalar men ıntegrasııalar úshin ashyq memleket. Qazaqstan Respýblıkasynyń prezıdenti Nursultan Nazarbaevtyń kóptegen ıdeıalary qazirgi zamanǵy ǵylymı izdenisterdiń ózegine, ári qaraıǵy saıası-áleýmettik, mádenı damýdyń irgetasyna aınalyp otyr. Búgingi forým taqyryby retinde kóterilip otyrǵan Prezıdenttiń «Bolashaqqa baǵdar: rýhanı jańǵyrý» atty baǵdarlamalyq maqalasy halyqaralyq-saıası jáne praktıkalyq máni jaǵynan asa ózekti. Baǵdarlamada qoıylǵan mindetter men qundy oılar parasyn qazirgi aımaqtyq ıntegrasııa men jahandaný jaǵdaıyndaǵy eýrazııa toleranttyǵynyń ǵylymı-tarıhı negizi dep aıtýǵa boldy. Osy turǵydan alǵanda búgingi aýqymdy forým aıasynda ǵalymdar men zertteýshiler ǵylymı jańalyqtary men jetistikterimen bólisýge taptyrmas múmkindik týyp tur. Sonymen birge, túrki álemin zertteý salasyndaǵy tájirıbelerdi jınaqtap, ıdeıalarmen almasý jáne irgeli baǵyttardy anyqtaýǵa múmkindik beretin platformaǵa aınalyp otyr.
Men ómirimniń 55 jylyn túrki álemin meńgerýge arnadym. Men álemniń talaı jerin aralap, túrki álemi týraly leksııa oqı júrip, álemniń kóptegen kitaphanalarynda qyzmet istedim. Túrkilerdiń eli men jeri, mádenıeti men dástúri, ǵurpy qandaı degen san saýal álem nazarynda. Álemde túrki tarıhyna, túrki álemi men mádenıetine degen úlken qyzyǵýshylyq bar.
Aıa О́MIRTAI,
«Egemen Qazaqstan»
