Forýmnyń ashylý saltanatynda Qyzylorda oblysy Ákimi Qyrymbek Kósherbaev jáne «Damý» Qorynyń Basqarma Tóraǵasy Abaı Sarqulov sóz sóıledi, dep habarlaıdy "Damý" qorynyń baspasóz qyzmeti.
Is-shara barysynda oblys ákimi Qyrymbek Kósherbaev memlekettik baǵdarlamalar men «Damý» Qorynyń jobalaryna qatysyp, óz jobalaryn sátti júzege asyra bilgen erekshe múmkindiktegi kásipkerlerge alǵys hattar tabystady. Sondaı-aq, «Damý-Kómek» jobasy boıynsha demeýshilik kómek te tabystaldy. Is-shara qonaqtary-tabysty kásipkerler, forým qatysýshylaryn nazardan tys qaldyrmaı, olarǵa qyzmet kórsetý men taýar satyp alýǵa tegin sertıfıkattar syılady.
Forým aıasynda múgedektigi bar kásipkerlerdiń qolynan shyqqan túrli taýar men ónimder jáne qyzmet túrlerine kórme uıymdastyryldy. 20-dan asa kompanııa kórmede káde syılardan qurylys zattaryna deıingi alýan túrli ónimder usyndy. Olardyń ishinde — aımaqta básekelesi joq, bolat arqan men ilmekter shyǵaratyn jalǵyz kásipker Ernys Túlendıev te boldy. Ol nesıe rásimdeý barysynda kepilmúlki jetispeýshiligi máselesin Qordyń kepildendirýimen oń sheshýi arqyly, kásiporynnyń óndiris kólemi edáýir arttyra aldy.
«Forýmnyń basty maqsaty – múmkindigi shekteýli kásipkerler arasynda tabysty kásipkerlikti dáripteý jáne onyń damýyna kolaıly jaǵdaı jasaý. Búgingi is-sharaǵa qatysýshylar - taǵdyrdyń taýqymetine moıymaı, qoǵamda óz ornyn taba bilgen jáne ózin jumyspen qamtýmen shektelmeı, ózgeni de turaqty qyzmetke alyp, kásipterin dóńgelentip otyrǵan azamattar. Múmkindigi shekteýli azamattardy jumysqa ornalastyrý qashanda ózekti másele ekeni ras, al munyń balamasy kásipkerlik bolyp tabylady. Sondyqtanda bizder memlekettik organdar, qarjy uıymdary men tabysty kásipkerlerdiń basyn biriktire otyryp, múmkindigi shekteýli kásipkerlerge ataýly kómek kórsetýge belsendirý men talpyndyrýdy uıymdastyra bilýimiz qajet. Búgingi forým múgedektigi bar azamattar men tabysty kásipkerler arasynda tájirıbe almastyrý maqsatyndaǵy mańyzdy, ári tıimdi dıalogtik alań retinde qalystasty dep úmittenemin», - dedi «Damý» Qorynyń Basqarma Tóraǵasy Abaı Sarqulov.
Forým barysynda bı nómirimen «Qyzylorda eriktirileri» Qorynyń músheleri «Erekshe bı» jobasymen qatysýshylardy tamsandyrdy. Bıshiler quramynyń teń jartysy óziniń partııasyn múgedektik arbada otyryp oryndady.
Forýmnyń ekinshi bóliminde aqparattyq-túsindirme semınary, dóńgelek ústel men múmkindigi shekteýli tabysty kásipker Bahyt Jumashevtan sheberlik-saǵaty ótti.
