Qazaq halqy úshin jylqynyń orny erekshe. Sońǵy jyldary Qyzyljar óńirinde ulttyq oıyndarmen birge báıge jarysy da jaqsy damyp keledi. Bul kúni soltústikqazaqtandyqtarmen birge Aqmola, Aqtóbe oblystarynyń, Astana qalasynyń bapkerleri úkilep qosqan júırikter báıge dese ishken asyn jerge qoıatyn jankúıerlerdiń delebesin qozdyrdy.
Qyz qýýda Alına Gaparova Aleksandr Lıtvınovqa qara kórsetpeı ketti. 2000 metrge shapqan ushqyr attar arasynan Aqtóbe oblysynyń namysyn qorǵaǵan Eldııar Súleımenov jeńimpaz atandy. 1600 metr qashyqtyqta ótken jelis attary jarysynda astanalyq Ábdýáli Nurahmatovtyń mereıi ústem boldy. 5 myń metr qashyqtyqta Taıynsha aýdanynyń ókili Ernar Qunanbaev sóre syzyǵyn birinshi bolyp qıdy. Basqa qashyqtyqtar boıynsha da báıge asa tartysty boldy.
Jazǵy atsporty maýsymynyń ashylý saltanatynda «Eń úzdik sáıgúlik» baıqaýy ótkizildi. Jal-quıryǵy tógilgen bes arǵymaqtyń arasynan «Grıngo» atty jelmen jarysqan júırik laıyq dep tanyldy.
Ippodrom janyna kıiz úıler tigilip, jurtshylyqqa dámdiligi til úıiretin ulttyq taǵamdar usynyldy.
Atjarystyń jeńimpazdary «EKSPO-2017» halyqaralyq kórmesi qarsańynda Astanada ótetin báıgege qatysýǵa joldama aldy.
О́mir Esqalı,
«Egemen Qazaqstan»
