Qazaqstan fýtbol federasııasy fýtboldan 2018 jylǵy álem chempıonatynyń irikteý týrnırindegi Qazaqstan men Danııa quramalary arasyndaǵy oıynnyń bıletteri onlaın-satylymǵa shyqqanyn habarlaıdy.
Bıletterdi www.ticketon.kz, zakazbiletov.kz jáne www.kff.kz saıttarynan satyp alýǵa bolady.
Al, Ortalyq stadıonnyń kassasynda bıletter 25 mamyrdan bastap satylyp jatyr.
Qazaqstan-Danııa machty týraly qyzyqty derekter
Fýtboldan Qazaqstan Ulttyq quramasy 2018 jylǵy álem chempıonatynyń irikteý týrnırinde óz alańynda áli eshbir quramadan jeńilgen joq. «Astana Arena» stadıonynda ótken eki oıyn teń aıaqtaldy - 2:2 (Polsha) jáne 0:0 (Rýmynııa).
Qazaqstan Ulttyq quramasy týrnır kestesinde sońǵy orynda ornalasqanymen 2018 jylǵy álem chempıonatyna shyǵýǵa múmkindigi bar.
Ulttyq qurama oıynshylary eki jyldan keıin Almatynyń Ortalyq stadıonynda qaıta oınamaq. Bul alańda fýtbolshylarymyz sońǵy oıynyn 2015 jyly Túrkııa quramasyna qarsy ótkizip, 0-1 esebimen utylǵan. Aldaǵy oıynda Danııa quramasynyń kóshbasshysy - Krıstıan Erıksen. Ol 2010 jyly Ońtústik Afrıka Respýblıkasynda ótken Álem Chempıonatynda eń jas oıynshy atandy.
