Jalpyulttyq tarıhı sanany qalyptastyrýǵa, ulttyq birlikti nyǵaıtýǵa, tarıhı jadyny jańǵyrtyp, keler urpaqqa mıras etýge, sondaı-aq, osy maqsattaǵy azamattyq qoǵam men memleket arasyndaǵy yqpaldastyqty arttyrýǵa úles qosý maqsatynda uıymdastyrylǵan bul shara Qazaqstan halqy Assambleıasynyń bastamasymen 2010 jyldan beri uıymdastyrylyp keledi.
Bıylǵy forým jumysy oblystaǵy 15 mekeme men bilim berý uıymdarynda ótkizilgen beıbitshilik sabaqtarynan bastaý aldy.
Forým aıasynda «Tarıhı jady jáne taǵylym – rýhanı jańǵyrýdyń negizi» atty halyqaralyq ǵylymı-praktıkalyq konferensııa ótti.
Sondaı-aq, «Aljır» derekti fılminiń kórsetilimi; «Qazaqstan tarıhy. Qujattar men materıaldar (1917–2012)» hrestomatııasynyń tanystyrylymy; «Tar joltaıǵaq keshý» tarıhı-derekti kórmesi; Múmkindigi shekteýli balalarǵa arnalǵan «Qaıyrymdy el» qaıyrymdylyq sharasy; Syrdarııa aýdany Naǵı Ilııasov atyndaǵy aýyldyń Qoǵamdyq kelisim keńesiniń jumysyna qatysý syndy birqatar sharalarǵa qatysty.
Sonymen birge, Forým delegattary asharshylyq jáne saıası qýǵyn-súrgin qurbandaryna arnalǵan, qaıta jańartylǵan Memorıaldyq eskertkish janynda ótken «Azaly tarıhqa taǵzym» atty mıtınke qatysty.
