«1982 jyly dúnıege kelgen biriniń basyn, al 1991 jyly dúnıege kelgen ekinshisiniń aıaǵyn tereze áıneginiń synyqtary jaraqattaǵan. Olarǵa medısınalyq kómek kórsetti jáne qazir qaýipsiz jerde. Eki azamatpen de qazaqstandyq dıplomattar turaqty baılanysqa shyǵyp, qajetti kómek berýde. Jarylys saldarynan Qazaqstannyń Kabýldaǵy Elshiligine de zaqym kelip, terezeleri synǵan. Oqıǵa Elshilikten 1,5-2 shaqyrym jerde bolǵan. Qazirgi ýaqytta qazaqstandyq dıplomattar zardap shekken ózge de qazaqstandyqtardyń bar-joǵyn anyqtaýda. Qala jabyq. Aýǵanstan astanasynda júrgen barlyq otandastarymyzǵa qalada qaýipsizdik sharalaryn saqtaýdy, ózderiniń jaǵdaılaryn týystaryna eskertip, qajet bolǵan jaǵdaıda Aýǵanstandaǵy Qazaqstannyń konsýlymen myna «qaýyrt jeli» telefon nómirimen +93-747- 250-343 (WhatsApp) habarlasýdy ótinemiz», dep jazdy QR SIM baspasóz qyzmetiniń jetekshisi.
Aıta keteıik, Búgin tańerteń Aýǵanstan astanasy Kabýlde bolǵan joıqyn jarylys saldarynan 50-ge jýyq adam opat bolyp taýyp, 150-ge jýyǵy jaraqat aldy
