31 mamyr kúni aımaq basshysy, QR Memlekettik hatshysy Gúlshara Ábdiqalyqova jáne Qazaqstan halqy Assambleıasy tóraǵasynyń orynbasary Darhan Myńbaımen birge otbasy úlgisindegi «Atameken» balalar aýylyna baryp, ondaǵy tárbıelenýshilerdi merekesimen quttyqtady. Búldirshinderge mýzykalyq apparatýra syıǵa tartty.
Al,«Atameken» aýylynyń kishkentaı turǵyndary mártebeli meımandar nazaryna arnaıy ázirlegen konserttik baǵdarlamasyn usyndy.
1 maýsym kúni oblys ákimi oblystyq balalar aýrýhanasynda bolyp, ondaǵy onkogematologııa,pallıatıvti emdeý bólimshelerindegi emdelýshilermen kezdesip, olarǵa syılyqtar tabys etti. Sonymen qatar, neonataldyq hırýrgııa jáne sáýlelik terapııa bólimsheleriniń jumysymen tanysty.
Esterińizge sala keteıik, Qyzylorda qalasynda 300 oryndyq balalar aýrýhanasy ótken jyly ashylǵan bolatyn.
.jpg)
Sondaı-aq, Qyrymbek Kósherbaev «Balapan» baǵdarlamasy aıasynda salynyp, 2014 jyldyń shildesinde óz jumysyn bastaǵan «Shaǵban» ınklıýzıvtik balabaqshasynda boldy.
Tárbıelenýshilerdiń tezirek saýyǵýy úshin munda zamanaýı emdeý tásilderi keńinen qoldanylady. Mysaly: aýtızm jáne basqa da naýqas balalar úshin «TAMETIST» baǵdarlamasy, ıppoterapııa (jylqy arqyly emdeý) jáne t.b.
Balabaqshadaǵy tárbıelenýshilerdi oblys ákimi merekemen quttyqtap, syılyqtar tabys etti. Sondaı-aq, múmkindigi shekteýli balalarǵa degen qamqorlyqtary úshin balabaqsha qyzmetkerlerine alǵysyn bildirdi.
- Qyzylorda oblysynda 5062 múmkindigi shekteýli bala bolsa, sonyń ishinde 2238 bala ınklıýzıvtik bilimmen qamtylǵan. Sizder ata-babamyzdyń dástúrin nasıhattap, balalardy atqa mingizý arqyly saýyqtyryp qana qoımaı, sonymen qatar úlken ómirge jol ashyp berip otyrsyzdar. Biz «Shaǵban» balabaqshasynyń tájirıbesin oblys kóleminde nasıhattap, qoldap, onyń jumys aıasyn keńeıtýge múddelimiz. Aldaǵy ýaqytta oblystyq ákimdik tarapynan bul jumysty zerttep, tájirıbeniń ári qaraı jumys jasaýyna múmkindikter jasaımyz, - dedi oblys ákimi.
