Kezdesýde aýyl sharýashylyǵy óndirýshileri, salalyq odaqtar men qaýymdastyqtar ókilderi, qoǵamdyq keńes músheleri, ortalyq jáne jergilikti atqarýshy organdardyń ókilderi qatysty.
Jıyn barysynda mınıstr aýyl sharýashylyǵy salasynyń 2016 jyldaǵy damý qorytyndylaryn áńgimelep, vedomstvanyń aldynda turǵan jańa mindetterdi tizbeledi.
Onyń habarlaýynsha, ótken jyl ekonomıkanyń agrarlyq sektory úshin asa tabysty jyl boldy. Aıtalyq, aýyl sharýashylyǵynyń jalpy ónim kólemi 2016 jyly 3,6 trln teńgeni qurady, bul – aldyńǵy jyldyń deńgeıinen 5,5 paıyzǵa joǵary. Al óndiris kóleminiń ósimin sońǵy 10 jylda alǵash ret barlyq oblystar qamtamasyz etip otyr.
Vedomstva basshysy eseptik kezdesýinde aýyl sharýashylyǵynyń negizgi kapıtalyna salynǵan ınvestısııalar kóleminiń 1,5 esege óskenin aıtty.
Mysaly, Pavlodar, Qyzylorda, Jambyl, Batys Qazaqstan, Aqmola oblystarynda aýyl sharýashylyǵyna salynǵan ınvestısııalar kólemi 2 esege ósti. Eseptik kezdesýde sýbsıdııanyń 65 túri qaıta qaralyp, nátıjesinde 11 tıimsiz túri alynyp tastalǵandyǵy aıtyldy.
Sondaı-aq, aýyl sharýashylyǵy kooperasııalaryn qoldaý úshin bıylǵy jyly 52 mlrd. teńge bólindi. Aǵymdaǵy jyly 326 kooperatıv qurý josparlanǵan bolsa, endi onyń sanyn 467-ge jetkizý josparlanyp otyr.
«Elbasy jańa Joldaýynda agroónerkásiptik keshendi basymdyq berilgen sala retinde birneshe márte atap ótti. Iаǵnı, agrarlyq sektor el ekonomıkasynyń draıverine aınalýǵa tıis. Agroónerkásiptiń el ekonomıkasynyń jańa qozǵaýshy kúshi bolyp qalyptasýyna baılanysty aýyl sharýashylyǵy kooperatıvteri zor mánge ıe. О́ıtkeni, onda agrarlyq salany jáne aýyldardy damytýdyń úlken áleýeti bar. Kooperasııa – bul aýyldyń bolashaǵy», - dedi A.Myrzahmetov.
Esep berý kezdesýinde Mınıstr turǵyndardy qyzyqtyrǵan barlyq suraqtarǵa jaýap berdi. Jıyn tikeleı onlaın kórsetilimde taratylyp otyrdy.
Mıras Asan,
«Egemen Qazaqstan»
Qaraǵandy oblysy
