«AstanaEKSPO-2017» UK» AQ basqarýshy dırektory Beıbit Qarymsaqov óz sózinde kórmeniń ashylýyna týra bir aptadaı ýaqyt qalǵandyǵyn eske salyp ótti. Onyń aıtýynsha, barlyq nysandar kórmege daıyn. Degenmen, kórme aýmaǵyn abattandyrýǵa qatysty biren-saran jumystar ǵana qalyp otyr. «Sońǵy birneshe apta boıy biz kóptegen oqý-jattyǵý ótkizip, tótenshe jaǵdaılarǵa daıyndyq júrgizdik. Búgingi negizgi daıyndyq barysyna kórmeniń búkil aýmaǵy jumyldyrylady. Atap óterligi, 10 maýsymǵa deıin kórme aýmaǵy kelýshiler úshin jabyq bolady», - dedi ol. Kommersııalandyrý departamentiniń dırektory Dáýren Erkimbekov búgin ulttyq kompanııa men merdiger uıymdardyńqyzmetkerleri shaqyrylǵandyǵyn, olarǵa tegin bıletter týrnıket júıesin tekserý úshin berilgendigin aıtty. Halyqaralyq qatysýshylarmen jumys departamentiniń dırektory Ilııa Orazaqov halyqaralyq qatysýshylardyń 126 myń sharshy metr pavılony tolyq daıyn ekendigin atap ótti. «Qazirgi ýaqytta 4,5 el ǵana qaldy. Olar ózderiniń qurylys-montajdaý jumystaryn aıaqtaıdy. Biz halyqaralyq qatysýshylardyń operasııalyq quramyn der ýaqytynda jasaqtadyq. Árbir pavılonnyń 30-dan 150-ge deıin qyzmet kórsetetin qyzmetkerleri bar. Olardyń barlyǵy da Astanada, belsendi jumystaryn bastady. Búgin bizdiń qatysýshylarymyz 11 pavılonǵa bara alady», - dedi Orazaqov.
«Josparlanǵan barlyq is-sharalar tolyq kólemde oryndaldy. Qajetti barlyq qural-jabdyqtar satyp alynyp, ornatyldy. Beıne baqylaý, dabyl jáne kirip-shyǵýdy basqarý júıelerinińbarlyǵy ornatylyp, 100 paıyz daıyn boldy. Qaýipsizdikti qamtamasyz etýge jumyldyrylǵan barlyq qyzmetkerler, eń aldymen quqyq qorǵaý organdary men jeke kúzet qurylymdarynyń qyzmetkerleri qajetti oqytý kýrsynan, tildik daıyndyqtan ótkizildi. Jeksenbilik toptardy jasaqtaýǵa biz barynsha nazar aýdardyq. Bizdiń jeksenbilik toptarymyz 1 saǵattyń ishinde shamamen 13 myń adamdy qabyldaı alady. Bul rette kútý ýaqyty 30-40 mınýttan aspaıdy. Buǵan qosa, jeksenbilik toptarǵa shetel tilin biletin eriktilerdi de jumyldyryp otyrmyz», - dedi kelesi kezekte sóz alǵan «Astana EKSPO-2017» ulttyq kompanııasy Qaýipsizdik departamentiniń dırektory Rústem Shákenov.
Al atalǵan kompanııanyń Servıstik qamtamasyz etý departamentiniń dırektory Dııas Ázbergenov búgingi negizgi daıyndyq barysynda kórmeniń kóliktik qoljetimdiligin synaqtan ótkizý josparlanyp otyrǵandyǵyn atap ótti. «Ol ýaqytsha turaqtarǵa, qoǵamdyq kólikterge, kólik aımaǵyndaǵy jumystarǵa qatysty jaıttar. Bul jumystardy biz qalalyq ákimdikpen jáne jol polısııasymen birlesip atqarýdamyz. Munan bólek negizgi daıyndyq barysynda kórme aýmaǵynda ornalastyrylǵan 7 medısınalyq bekettiń de jumysyn synaqtan ótkizýdi josparlaýdamyz. 8 jedel járdem kóligi turaqty túrde kezekshilik atqaratyn bolady. Kórme barysynda jumyldyrylǵan medısınalyq qyzmetkerlerdiń jalpy sany 210 qyzmetkerdi quraıdy. Olardyń qatarynda dárigerler, feldsherler, reanımatologtar bar», -dedi ol. Sonymen qatar kompanııanyń Kontent jáne is-sharalardy uıymdastyrý departamentiniń dırekory Marat Omarov ózi basshylyq jasaıtyn qurylymnyń basty maqsaty merekelik sharalardy uıymdastyrý ekendigin aıtty. «Búgin biz úsh alańda 3 shara ótkizetin bolamyz. Olar Ulttyq kúnder, Energııaholy jáne amfıteatr alańdarynda uıymdastyrylady. Bizde barlyǵy da daıyn,tehnıka da, ártister de saqadaı saı», - dedi Marat Omarov. Ilgeriletý jáne týrızm departamentiniń dırektory Allen Shaıjúnisov búgin eriktilerge arnalǵan úlken sharany ótkizetindikterin atap ótti. «Búgingi kúni 4500 erikti iriktep alynyp, daıyndaldy. 800 erikti Qaraǵandy,Qostanaı, Pavlodar oblystarynan jáne Almaty qalasynan keldi. Kún saıyn kórme aýmaǵynda 1500 erikti jumys isteıtin bolady. Alǵashqy aýysym 10 maýsymnan bastap shildeniń 1-ine deıin jumys isteıdi. Odan keıin kelesi aıdyń aýysymy keledi jáne úshinshi aýysym tamyzdan 10 qyrkúıekke deıin bolady»,- dedi Shaıjúnisov.
Inform.kz
