Basqosý qýǵyn-súrgin jáne asharshylyq qurbandaryn bir mınýt únsizdikpen eske alýmen bastaldy. Alqaly jıyn barysynda ǵalymdar Elbasynyń rýhanı jańǵyrýǵa arnalǵan maqalasyn júzege asyrýdyń ǵylymı tektikterin talqylady. Olardyń oıynsha, ashyq qoǵam quryp, ulttyq sanany durys qalyptastyrý úshin gýmanıtarlyq salada naqty isterdi júıeli túrde josparlaý kerek. Sonymen qatar, óndiristi ǵylymǵa negizdeý maqsatynda zertteý ınstıtýttaryna bilikti kadrlar tartý máselesiniń de nazardan tys qalmaýy basa aıtyldy. Sessııa qorytyndysyna sáıkes bıyl Ulttyq ǵylym akademııasynyń quramy 30 akademıkpen tolyǵyp, 29 ǵalym korrespondent-múshelikke qabyldandy. Quramǵa jańa engen ǵalymdar Fızıka, matematıka, Hımııa jáne tehnologııalar, Bıologııa jáne medısına, Qoǵamdyq jáne gýmanıtarlyq ǵylymdar, sondaı-aq, Agrarlyq ǵylymdar bólimsheleri boıynsha otandyq ǵylymnyń damýy jolynda qyzmet etetin bolady.
– Bizdiń ǵalymdarymyz qoǵamdyq ǵylymdardy damytady. Gýmanıtarlyq ǵylymdardyń qanat jaıýyna qyzmet etedi. О́zimizdiń tól tarıhymyzdy zertteıdi. Kóptegen belgisiz bolyp jatqan jaǵdaılardy ashyp dáleldep jatyr. Ǵylymsyz qoǵam da, memleket te damymaıdy. Ol – aksıoma. Kásipkerlerimiz kóp jaǵdaıda ınnovasııany aıtady da, ǵylymdy kóp aıtpaıdy. Ǵylym bolmasa eshqandaı ınnovasııa damı almaıdy. Osyny árdaıym qaperimizden shyǵarmaǵanymyz abzal. О́tken jylǵy Jalpy jınalystan keıingi bir jyl kóleminde UǴA Tóralqasynyń apparaty kóptegen jumystar atqardy. Ulttyq ǵylym akademııasy – elimizdegi jalǵyz klassıkalyq ámbebap akademııa, barlyq ataqty, mańdaıaldy, dúnıe júzine belgili ǵalymdardyń jıyntyq akademııasy. Sondyqtan bizdiń akademııanyń kúrdeli máseleleri Elbasynyń tikeleı nazarynda bolyp keledi. О́tken jyldardyń nátıjeleri UǴA-nyń eń tańdaýly ǵylymı ujym ekenin kórsetti. Maıtalman akademık-ǵalymdarymyzdyń qatary talantty jas ǵalymdarmen – UǴA korrespondent-múshelerimen tolyqty. Al qazir bizdiń akademııa álemdegi músheleri eń jas (orta jasy – 65) klassıkalyq akademııa bolyp tur. «Biz «bilim – ǵylym – ınnovasııalar» úshtigi bılegen postındýstrııalyq álemge qaraı jyljyp kelemiz» dep Elbasymyz aıtqandaı, eldigimizdiń jarqyn bolashaǵy bilim men ǵylym, sol arqyly aýqymdy ınnovasııalarǵa jol ashylyp, bizdiń sáýletti bolashaǵymyzdyń aıqyn kórinisine aınalmaq, – deıdi Qazaqstan Respýblıkasy Ulttyq ǵylym akademııasynyń prezıdenti Murat Jurynov.
Shara barysynda otandyq ǵylymdy damytýdyń tetikteri, aldaǵy ýaqytta atqarylatyn sharýalardyń tizbegi jaıly jospar qurylyp, usynystar ortaǵa tastaldy. Búgingi tańda Ulttyq ǵylym akademııasynda 6 baǵyttyq bólimsheler men 10 oblystyq fılıaldar jumys isteýde.
Arman OKTIаBR,
«Egemen Qazaqstan»
ALMATY
