Mártebe anyqtaý – jaýapty jumys

Oblystyq densaýlyq saq­taý basqarmasynyń má­li­me­tin­she, mindetti áleý­mettik medısınalyq saq­tan­dyrý júıe­­­sin engizý ju­mystary bas­tal­ǵaly ob­­lys kóleminde bir­shama ju­mystar atqarylǵan. Bú­­gin­de oblysta 38 arnaıy kabı­net ashylyp, mindetti áleý­met­tik medısınalyq saqtandyrý júıe­si jó­ninde 3452 azamatqa tú­sin­di­rý jumystary júr­gi­zildi.
Oblys turǵyndarynyń MÁMS aıasyndaǵy már­te­­be­sin anyq­taý da mańyzdy má­se­le­­niń biri. Eńbek já­ne h­a­lyq­ty áleýmettik qorǵaý mı­nı­s­tr­ligi tara­py­nan már­tebesi anyq­tal­maǵan 393 613 oblys tur­ǵy­ny­nyń ti­z­imi kelip túsken. Bul oblys hal­qynyń 35,3 paıyzyn quraıdy. Alaıda ob­­lys­tyq jumyspen qam­tý jáne áleýmettik baǵ­dar­la­malardy úı­lestirý bas­qarmasynyń basshysy Jo­ra­bek Baýbekov otba­synyń barlyq mú­she­leriniń már­te­besin anyq­taý maqsatynda úı sha­rýa­shy­lyqtaryn ara­laý boıyn­sha belsendi jumystar júr­gizilýde, deı­di. Atalǵan ju­mystar nátıjesinde 393 279 adamnyń mártebesi anyq­talǵan. Degenmen, Jambyl oblysynda ju­mys istegenimen áleý­mettik jarna aýdarymdary joq jáne óz betinshe jumyspen qamtylǵanymen tir­kelmegen adamdar basym bolyp otyr. Máselen, Ta­raz qalasynyń ózinde 17 myńnan astam adamnyń aýdarymdary joq ekeni belgili boldy. Sondaı-aq, Baızaq, Shý, Jambyl, Merki, Qordaı jáne Talas aýdandarynda da osyndaı máseleler bar. 
Búginde birqatar el toıhana, dámhana, dúken sııaqty oryndarda jumys istep, kún kóredi. Al bul jekemenshik jumys bolǵandyqtan, oǵan kúndelikti kelisilgen aqshadan basqa eshteńe de tólenbeıdi. Sondyqtan da turǵyndardyń arasynda túrli máseleler týyndaıdy. Aıtalyq, Qordaı, Baı­zaq, Merki, Shý aýdandarynda barlyǵy 32842 adam tir­kel­megen. Sondaı-aq, nátıjesiz jumyspen qam­tyl­ǵan­dar sany 97923 adamdy qurap otyrǵanyn da aıta ket­ken jón. 
Elbasy aıtqandaı, mem­le­ke­timiz búginde álem­degi eń da­my­ǵan otyz eldiń qataryna ki­rýde báse­ke­ge qabiletti bolyp otyr. Bul turǵyda barlyq óńir­­­lerde tıisti jumystar at­qa­rylýda. Aýyldy jer­ler­de­gi azamattardyń mártebesin anyq­taý maq­sa­tyn­da, kompıýterler alý úshin 180 mıllıon teńge bólinipti. Eger árbir otbasynyń áleýmettik kartasy ja­saqtalyp, tıisti málimetter bazaǵa engiziletin bolsa, endigi jerde mártebe anyqtaýda másele týyndaı qoımasy anyq. 

Hamıt ESAMAN,
«Egemen Qazaqstan»

Jambyl oblysy