Foto: Oqu-agartu ministrligi
О́ńirler arasyndaǵy alshaqtyq
Kún tártibinde aımaqtardaǵy bilim sapasynyń deńgeıi saraptalyp, óńirler arasyndaǵy aıyrmashylyq ashyq aıtyldy. Keıbir oblystardyń kórsetkishteri tómen ekeni synǵa alyndy. Basqarma basshylary jańa jobalar men pedagogterdiń biliktiligin arttyrý sharalary týraly esep bergenimen, mınıstr sandyq mejege ǵana súıenýdi doǵarý kerektigin basa aıtty.
«О́kinishke qaraı, aramyzda bilim sapasyn oqýshynyń tereń bilimimen emes, atqarylǵan jobalardyń sanymen ólsheıtin menedjerler áli de bar. Bizge qaǵaz júzindegi esep emes, shákirttiń shynaıy jetistigi men bilim deńgeıiniń ósýi qajet. Sol sebepti, óńirlerde qalyptasqan jaǵdaıdy búkpesiz aıtyp, ony sheshýdiń joldaryn birge izdestirýden ǵana nátıje bolady», dedi Juldyz Súleımenova.
Oqý-aǵartý mınıstri muǵalimderge arnalǵan jobanyń toqtaıtynyn málimdedi
Kadr tapshylyǵy – kúrdeli másele
Jıynda mektepterdegi basqarýshylyq kadrlardyń jetispeýshiligi erekshe atap ótildi. Qazir el boıynsha 490 mektep dırektorynyń orny bos. Ásirese Soltústik Qazaqstan, Aqmola, Shyǵys Qazaqstan, Qaraǵandy oblystarynda tapshylyq aıqyn seziledi. 2025 jyly dırektorlyqqa úmitkerlerdiń nebári 21%-y ǵana testileýden ótken.
Basqarýshylyq daǵdynyń álsizdigi mektep ishindegi ahýalǵa da áser etip keledi. Korporatıvtik mádenıettiń tómendeýi, pedagogterdiń turaqsyzdyǵy, ortalyq organdarǵa shaǵymnyń kóbeıýi – sonyń saldary. Osyǵan baılanysty kadr jetispeıtin óńirlerge ózge aımaqtardan bilikti mamandar tartý múmkindigi qarastyrylmaq.
Naqty ǵylymdar boıynsha pedagogter tapshylyǵy da ózekti. Muǵalimderdiń 52-62%-y kásibı baǵalaý kezinde shekti deńgeıden óte almaǵan. Túrkistan, Jambyl, Atyraý, Aqtóbe, Ulytaý oblystarynda bul kórsetkish tómen.
Oqý-aǵartý mınıstri: Býllıng úshin dırektordy jumystan bosatý orynsyz
Derekterdi birizdendirý jáne sıfrlandyrý
Aqparattyq júıelerdiń ártúrliligi men derekterdiń shashyrańqylyǵy da salanyń álsiz tusy retinde ataldy. Mınıstrlik bul baǵytta júıeli jumys júrgizip jatyr. О́ńirlik platformalar kezeń-kezeńimen Eńbek jáne halyqty áleýmettik qorǵaý mınıstrligine qarasty Esep.kz júıesine biriktiriledi. Bul derekterdiń ashyqtyǵyn qamtamasyz etip, eseptilikti qysqartýǵa jáne aqparatty birizdendirýge múmkindik beredi.
Mınıstr ınklıýzıvti bilim berý máselesine de toqtaldy. Onyń aıtýynsha, ınklıýzııa kabınet ashýmen ǵana shektelmeýi tıis, eń bastysy – erekshe bilim qajettiligi bar balanyń qoǵamǵa tolyq beıimdelýine jaǵdaı jasaý.
Aldaǵy ýaqytta óńirlerdegi ınklıýzııa kabınetteriniń tıimdiligi zerdelenip, naqty nátıjesine qaraı baǵalanady.
Jıyn qorytyndysynda Juldyz Súleımenova óńirlik bilim basqarmalaryna naqty tapsyrmalar júktep, oryndalý merzimin belgiledi. О́ńirlerdiń shynaıy qajettiligin eskerý, sala menedjerlerimen birlese áreket etý aldaǵy strategııalyq jáne ınfraqurylymdyq sheshimderdiń negizi bolmaq.
