Joba adamnyń ishki nury taqyrybyn arqaý etip, ár sýretshiniń ózindik qoltańbasy, kórkemdik tásili men beıneleý ereksheligi arqyly tereń maǵyna beredi. Túrli stılder men baǵyttarǵa qaramastan, kórme tutas bir kórkem oıǵa birigip, jan tynyshtyǵy, úmit, rýhanı tirek pen adam bolmysynyń tereń sezimderin beıneleıdi.
Kórmeniń ashylýyna joldaǵan quttyqtaýynda Premer-mınıstrdiń orynbasary - Mádenıet jáne aqparat mınıstri Aıda Balaeva mundaı mádenı jobalardyń halyqtar arasyndaǵy rýhanı baılanys pen ózara túsinistikti nyǵaıtýdaǵy mańyzyn atap ótti.
«Nur shashý» kórmesi – zamanaýı beıneleý óneriniń úzdik týyndylaryn biriktirgen mańyzdy mádenı oqıǵa. Bul joba shyǵarmashylyq izdenis pen rýhanı sabaqtastyqty aıqyn kórsetedi. Kórmege Qazaqstan jáne Qyrǵyzstannyń tanymal sýretshileri qatysyp otyr. Bul tek óner týyndylaryn tanystyrý alańy ǵana emes, sonymen qatar mádenıetter dıalogynyń, rýhanı úndestiktiń jarqyn kórinisi», dedi ol.
Kórmege qatysýshylardyń barlyǵy keskindeme janrynda jumys istegenimen, árqaısysy taqyrypty ózinshe ashady. Ekspozısııada portrettik jáne peızajdyq jumystar, abstraksııalyq elementter men ishki úılesimdilikke negizdelgen kórkem sheshimder toǵysqan.
Kórmeni 2026 jyldyń 11 mamyryna deıin tamashalaýǵa bolady.
