Onlaın rejımde 14 oblystyń halyq ókilderimen kezdesken mınıstr jyl boıy mınıstrlik jasaǵan jumystarǵa toqtaldy. Qylmystyń aldyn alý, jasalǵan qylmysty ashýdaǵy jetisitktermen bólisken mınıstr elimizde krımınagendik ahýaldyń turaqty ekendigin jetkizdi. Aıtýynsha, elimizde qylmys sany - jasóspirimder arasyndaǵy zań buzýshylyqtar, kóshe qylmysy tómendep, jol apattary ótken jyldarmen salysyryp qaraǵanda birshama azaıǵanmen, ishimdiktiń kesirinen bolatyn qylmystar men turǵyn úı, uıaly telefon jáne mal urlyǵy jıilegen.
Mınıstrge barlyq óńirdik ókilderi ózderin mazalap júrgen suraqtaryn joldady. Mańǵystaý oblysynan suraq bergen Tótenshe jaǵdaılar ardageri
Seıtmolda Muhanov Aqtaý qalasynda 2-aq órt sóndirý bóliminiń bar ekendigin, ekeýi de bir shaǵyn aýdanda ornalasqandyǵyn, órt sóndirýshiler derk ezinde qala mańyndaǵy О́mirzaq, Promzona, Prımorskıı eldi-mekenderine jete alamıtyndyǵyn aıtyp, máseleni sheshý joldaryn surady.
-О́rt qaýipsizdigin qamtamasyz etý úshin ár órt sóndirý deposynyń qashyqtyǵy 3 shaqyrym bolýy qajet. Sondyqtan, Aqtaýǵa taǵy 4 depo kerek. Bul máseleni damý baǵdarlamasyna engizdik. Alaıda qarjy az bólindi. Qazir osy suraqpen aınalysyp jatyrmyz. Jergilikti atqarýshy organmen sheshemiz, dedi mınıstr Q.Qasymov.
Gúlaıym Shyntemirqyzy,
«Egemen Qazaqstan».
Mańǵystaý oblysy
