Osy maqsatty alǵa qoıǵan oblys basqarmasynyń mamany Nurgúl Bertileýova eń alǵashqy eńbek jolyn Aqtóbe qalasyndaǵy №32 mektep-gımnazııasynda muǵalim bolyp bastaǵan. Ustazdyq etken 9 jylda tolaǵaı tabystarǵa qol jetkizip, «Eńbek erlikke jeteleıdi» degendeı, jetistikti jyldaryn ustaz bolýdan bastaǵan.
Kezinde qalalyq, oblystyq jyl muǵalimi baıqaýlarynda bas júldeni ıemdenip, «Qazaqstannyń jyl muǵalimi» baıqaýynda «Ulttyq dástúrdi nasıhattaýshy» atalymynyń jeńimpazy atanǵan. Aqtóbe qalasy ákiminiń «Jyl adamy», «Úzdik ustaz» atalymyn ıelengen. Onyń avtorlyq baǵdarlamasynyń negizinde ashylǵan «sheberlik-synyby» oblys muǵalimderiniń tájirıbe alańyna aınaldy.
Jańashyldyqqa, ózge salada ózin synap kórýdegi umtylysy Nurgúldi memlekettik qyzmetke alyp keldi. Bolashaǵyn osy salamen baılanystyrýdaǵy maqsaty bıik. Qazirgi tańda Aqtóbe oblystyq tilderdi damytý basqarmasynda bas maman bolyp qyzmet atqaratyn onyń 10 jyldyq eńbek ótili bar. Maqsaty – memlekettik tildiń ózekti máseleleriniń aıqyndalýyna, tilderdi damytýdyń tyń jobalarynyń júzege asýyna yqpal etý. Qazaqstan Respýblıkasy Til týraly zańy jáne «2011-2020 jyldarǵa arnalǵan Tilderdi qoldaný men damytýdyń memlekettik baǵdarlamasynyń» múltiksiz oryndalýyn qamtamasyz ete otyryp, oblystaǵy jetekshi basylymdar men elektrondy buqaralyq aqparat quraldarynda memlekettik til saıasatyn nasıhattaý baǵytyndaǵy jobalardyń júzege asýyna úlesin qosý.
Qazirgi tańda memlekettik tildi oqytyp, memlekettik tildi bilý arqyly jetistikke jetken tulǵalardy, ulttyq qundylyqtardy nasıhattap, PR sıpatyndaǵy ártúrli formattaǵy jetpiske jýyq jobanyń tusaýyn kesken.
Úshtuǵyrly til saıasatyn nasıhattaý, ilgeriletý baǵytyndaǵy sharalardy júzege asyrýda. Halyqqa jaqyn bolý, ashyqtyq – memlekettik qyzmettiń eń basty qaǵıdaty. Osy baǵytta basqarmanyń resmı saıtyn, áleýmettik paraqshalaryn kontentpen toltyrýda. Búldirshinderge tilderdi úıretýdi maqsat etetin úsh tildegi «Kúnshýaq» jýrnalynyń daıyndalyp shyǵýyna jetekshilik etip, «Sheteldegi qazaq dıasporalarymen baılanys» jobasyn, latyn grafıkasyna kóshýdi nasıhattaý jónindegi sharalardy júzege asyrýda. Atalǵan jobalar Aqtóbede bastaý alyp, respýblıkanyń ózge de óńirlerine taraldy.
Jalpy, memlekettik til saıasaty memlekettiliktiń nyǵaıýyna, eldiń qaýipsizdigine tikeleı baılanysty. Ulttyq qundylyqpen baılanysty salada eldiń múddesi men ult ıgiligi jolynda eńbek etetinin maqtan tutady. Bar boıyndaǵy qabilet-karymyn, kúsh-jigerin osy salany damytýǵa baǵdarlap otyrǵan kásibı mamandardyń qatarynda.
«О́ıtkeni, meniń iskerligimnen elimniń erteńi kórinedi», deıdi N.Bertileýova.
Árbir memlekettiń básekelestikke daıyn bolýy jáne oǵan tótep berýi memlekettik qyzmetshilerdiń bilimi men biliktiligine, otansúıgishtigine baılanysty. Sol sebepti de, óz qyzmetine adaldyq pen belsendi ómirlik kózqaras, joǵary jaýapkershilik shynaıylyqty ómirlik ustanymyna aınaldyryp otyr. Memlekettik qyzmet salasynda azdy-kópti jetistigi bolsa, ol – oblys aýmaǵynda tildik damýdy sıpattaıtyn kórsetkishterdiń turaqty ósýi. Onyń ishinde Nurgúldiń de úlesi bar. Qazaqstan Respýblıkasy Táýelsizdiginiń
25 jyldyǵy qarsańynda merekelik medalmen marapattalǵany sonyń bir aıǵaǵy.
О́mirde adal jar, úsh balanyń anasy. О́mirlik ustanymynda, kásibinde alǵa ustaıtyn qundylyqtardan alys ketpeıdi. Memlekettik qyzmetshi bolý – zor senim, qurmet. Memlekettik qyzmetshiniń áleýeti myqty bolsa, eldiń de tuǵyry bıik. Sondyqtan el múddesi jolyndaǵy beleste halyq seniminen shyǵý basty mindetim dep biledi.
Temir QUSAIYN,
«Egemen Qazaqstan»
Aqtóbe oblysy
