О́mirsheń dástúrler ózegi

Alqaly basqosýdy «Qyzyl­jar-Aqparat» JShS-niń dırek­tory-bas redaktory Jaras­baı Súleımenov júrgizip otyrdy. Ol kirispe sózinde jurtshylyq arasynda úlken serpilis týdyr­ǵan maqala qoǵamda jan-jaq­ty talqylanyp, keń qoldaý tap­qanyn, endigi maqsat onda qoıylǵan talaptardy júzege asyrýdyń tetikterin jan-jaqty qarastyrýdyń mańyzdylyǵyn atap ótip, alǵashqy sózdi «Úr­ker» jýrnalynyń bas redak­tory, halyqaralyq «Alash», «Soros-Qazaqstan» syılyq­tary­nyń laýreaty Qýandyq Túmenbaıǵa berdi. Belgili jazý­shy Qyzyljardyń quıqaly topyraǵynan Maǵjan, Sábıt, Ǵabıt, Ivan Shýhov, Safýan Shaımerdenov sekildi qarymdy qalamgerdiń ósip-óngenin, olar­dyń keler urpaqqa amanattaǵan mol muralary qundylyǵyn esh­qashan joǵaltpaıtynyn aıta kelip, Prezıdenttiń «maqsatqa jetý úshin bizdiń sanamyz isimiz­den ozyp júrýi, ıaǵnı odan buryn jańǵyryp otyrýy tıis» de­nen paıymdaryna jurt­shy­lyq nazaryn aýdardy. Rýhanı jańǵyrý búgin basta­lyp, erteń aıaqtalatyn jumys emes. Ony saıası, ekono­mıka­lyq damýy­myzben sabaqtas­tyrý úshin,eń aldymen, ár qazaq­stan­dyqtyń boıynda birtutas ult bolý ıdeıa­syn qalyptastyrýymyz kerek. Bul oraıda, jas býyn tárbıesi erekshe oryn alady. 
Maqalada «Jastarymyz ba­sym­dyq beretin mejelerdiń qatarynda bilim árdaıym birinshi orynda turýy shart. Sebebi, qundylyqtar júıesinde bilimdi bárinen bıik qoıatyn ult qana tabysqa jetedi» delingen. Sana-sezimimiz ben dúnıetanymymyzǵa ábden sińip qalǵan taptaýryn qaǵıdalardan arylýdyń birden-bir joly – sanadaǵy silkinis. Ol ózdiginen kelmeıdi. Zaman aǵy­myna ıkemdele otyryp, jańa dáýirdiń jaǵymdy jaqtaryn boıǵa sińirý – aldaǵy basty mindet osy. Odan ári qalamger óz sózinde taıaý jyldardaǵy mindetterdiń ishinen qazaq tilin birindep latyn álipbıine kóshirýdiń qadamdaryn qazirgi zamanǵy tehnologııalyq damý máselelerimen, álemdik tájirıbelermen baılanystyryp, muqııat daıyndyqtar bazasy jasalǵanyn aıtty.
«Prostor» jýrnaly bas redaktorynyń orynbasary, aýdarmashy Lıýbov Shashkova sanadaǵy silkinisti ıdelogııalyq jaǵynan qamtamasyz etý, ulttyq bolmystyń ózegin saqtaý, salt-dástúrlerdi, ulttyq rýhymyzdy baıytý máselelerin óz sózine arqaý etti. «Qazaqstandaǵy 100 jańa esim» jobasynyń mán-maǵynasyn ashyp kórsetip, dáıekti mysaldar keltirdi. Táýel­sizdik jylnamasy naqty adam­dardan, san qıly taǵdyrlar­dan, jasampaz eńbekten quralady. Ondaı tulǵalar elimizde az emes. Onyń óńirlik nusqalary da jasa­lyp jatsa, jastarymyzǵa úlgi bolar edi.
Jıynda oblystyq Qazaqstan halqy assambleıasynyń hatshy­lyq meńgerýshisi Naıl Salımov, «Lad» slavıan qoǵamy­nyń jetek­shisi Aleksandr Kýrlenıa, Qazaq­stan Jazýshylar odaǵynyń múshe­si, jýrnalıst-pýblısıst Zeınol­la Ákimjanov, jergilikti aqyn Vasılıı Konoplev taǵy bas­qalary Elbasy usynǵan baǵ­dar­­la­malar men jobalar jurt­shy­lyq kóńilinen shyqqa­nyn, en­digi maqsat jańa jaǵdaı­daǵy rýha­nı jańǵyrý ıdeıalaryn damýy­myzdyń basty qaǵıdasyna aınal­dyrý tıistiligin atap kórsetti.

О́mir ESQALI,
«Egemen Qazaqstan»
Soltústik Qazaqstan oblysy