Jádigerlerdi júıeleıtin kez jetti

Tarıh ǵylymdarynyń doktory, L.N.Gýmılev atyndaǵy EUÝ arheologııa jáne etnologııa ka­fedrasynyń professory Aıman Dosymbaevanyń aıtýynsha, Aqmola oblysy aýmaǵyndaǵy qasıetti oryndardyń birtutas jelisin qurý óńir tarıhyn to­lyqtaı túsinýge múmkindik tý­ǵyzyp, týrıstik klasterdiń damýyna ózindik serpin beretin bolady. «Qazir bizge qasıetti eskertkishterdiń birtutas jelisin qurý jumystaryn qandaı ońtaıly jolmen bastaýdy zerttep alýy­myz qajet. Oblystyń tarıhı-mádenı qundylyqtaryn, óńirdiń ǵana emes, búkil Qazaqstannyń qasıetti oryndaryn jastaıynan bilýge baýlý úshin mektepke deıingi jáne mekteptegi bilimge erekshe kóńil bólinýi qajet», dedi Sáýle Burbaeva óz sózinde. 
Reti kelgende qazir Aqmola oblysy aýmaǵynda 1793 tarıhı-mádenı nysan bar ekendigin aıta keteıik. Arheologııalyq jádigerler sanatyndaǵy 1375 eskertkish Zerendi, Ereımentaý, Býra­baı, Qorǵaljyn jáne Atba­sar aýdandarynyń aýmaǵynda ornalasqan. Mádenıet basqar­masy basshysynyń aıtýyn­sha, qasıetti eskertkishter kar­tografııalanyp, ǵylymı júıege túsirilgenimen, olardy tereń zerttep, jalpyulttyq tarıhı-mádenı qundylyqtar nysandarynyń tizimin jasaý oryndy bolmaq. Osyǵan oraı Mádenıet basqar­masy janynan quramynda vedomstvo qyzmetkerlerinen ózge murajaı qyzmetkerleri, ólketanýshylar, ǵalymdar men tarıh­shylar bar jumys toby jergilikti jáne respýblıkalyq mańyzy bar nysandardy Rýhanı nysandar kartasyna engizý bo­ıyn­sha jumys júrgizýde. 

Asqar TURAPBAIULY,
«Egemen Qazaqstan» 
Aqmola oblysy