Jýrnalıster merekesimen tuspa-tus kelgen kezdesýge oraı gazet («Sosıalıstik Qazaqstan») redaktorynyń uzaq jyldar birinshi orynbasary qyzmetin atqarǵan Sarbas Aqtaevty respýblıkalyq «Parlament sózi» syılyǵyn, bas basylymda jarty ǵasyrdaı eńbek etken Mamadııar Jaqypty G.Tolmachev atyndaǵy redaktorlarǵa beriletin arnaıy syılyǵyn alýlarymen quttyqtady. Almatydaǵy tilshileri qosynynynyń jetekshisi Talǵat Súıinbaıdyń keýdesine QR Aqparat jáne kommýnıkasııalar mınıstrliginiń «Aqparat salasynyń úzdigi» medalin taqty.
Kezdesý ústinde Darhan Qýandyquly aǵa býyn áriptesterge «Egemen Qazaqstan» kitaphanasynyń serııasy boıynsha shyqqan kezekti jınaq – qazirgi qazaq baspasóziniń abyzy Sherhan Murtazanyń «Namys naızaǵaıy» atty kitabyn tanystyryp, bir-bir danadan syıǵa tartty. Qazaqstan Respýblıkasynyń Prezıdenti – Elbasy Nursultan Nazarbaevtyń «Egemen Qazaqstanda» sáýir aıynda jarııalanǵan «Bolashaqqa baǵdar: rýhanı jańǵyrý» baǵdarlamalyq ustanymdary negizinde ulttyq kodty nyǵaıtý men ulttyq sanany órkendetý maqsatyndaǵy ómirlik baǵdarlamasy men jańa pishimde shyǵap jatqan elimizdiń bas basylymy «Egemen Qazaqstannnyń» «Sıfrly Qazaqstan» baǵdarlamasyna oraı jasaǵan jańarý jobasy týraly, Astanadaǵy jáne óńirlerdegi jýrnalısterdiń qyzmeti men bolashaq perspektıvalary týraly mazmundy áńgimelep berdi. О́z kezeginde gazet ardagerleri belgili qalamgerler – Bekbolat Ádetov, Erjuman Smaıyl, Mamadııar Jaqyp pen Sarbas Aqtaev basylym basshysyna «Egemen» men onyń bolashaǵy týraly mazmundy áńgimesi úshin alǵys tilekterin bildirip, ózderi bir kezde ter tóge eńbek etken bas basylymnyń árbir jańalyǵy men árbir qadamy úshin olardyń búırekteri buryp, júrekteri jylyp turatynyny aıtty. Jańa býyn ókilderi tizgindi qolǵa alǵan «Egemenniń» eńsesiniń ádettegideı árdaıym da bıikte bolatynyna senimdi ekendikterin ortaǵa saldy.
.jpg)
Jyly shýaqty júzdesý barysynda aldaǵy qońyr kúzde memleket jáne qoǵam qaıratkeri, «Egemen Qazaqstannyń» ardager-bas redaktory Sherhan Murtazanyń 85 jyldyǵyna oraı Almatyda sport oıyndarynan týrnırler ótkiziletini týraly da aıtyldy.
Mıra BAIBEK,
«Egemen Qazaqstan»
ALMATY
