Týrnırdiń shırek fınalynda osy jarysqa qatysyp jatqan aǵaıyndy balýandar Ulan Rysqul men Rýslan Ábdirazaqov beldesetin boldy. 2011 jylǵy "Barys" Ulan Rysqul ekinshi aınalymda ońtústikqazaqstandyq balýan Ádiljan Ystybaevti utsa, Rýslan Ábdirazaqov bıylǵy básekeniń eń aýyr balýany sanalǵan mańǵystaýlyq Kenjebek Kúzembaevty utqan bolatyn.
Osy týrnır aldynda biz Ulan Rysqulmen tildeskende ol inisi Rýslanmen kezdesip jatsa, baryn salyp kúresetinin aıtqan bolatyn.
Aıta keteıik, týrnırdiń júlde qory da qomaqty. Jeńimpaz atanǵan balýanǵa altyn belbeý jáne altynnan quıylǵan «Taıtuıaq» tabystalady. Ekinshi jáne úshinshi orynǵa kúmis jáne qola belbeý beriledi. Sonymen qatar, ár beldesýdegi jeńiske 100 myń teńge qarjylaı syıaqy taǵaıyndalǵan. Al úshinshi oryn ıelengen balýanǵa bir mıllıon 800 myń, bapkerine 900 myń teńge. Ekinshi orynǵa bes mıllıon 500 myń, bapkerine bir mıllıon 800 myń. Birinshi oryn ıelengen balýanǵa 25 mıllıon teńge, bapkerine úsh mıllıon 500 myń teńge tabystalady.
