Aldyn ala boljam boıynsha, shilde aıynda ortasha aýa temperatýrasy respýblıkanyń basym bóliginde klımattyq mánge jýyq bolady dep kútilýde, tek batys óńirlerde temperatýra 1 gradýsqa normadan joǵary bolady.
SQO, Aqmola, Qaraǵandy oblystarynyń basym bóliginde, sondaı-aq ShQO jáne Almaty oblystarynyń taýly jáne taý mańyndaǵy aýdandarynda aılyq jaýyn-shashyn mólsheri normadan joǵary, al respýblıkanyń qalǵan óńirlerinde normaǵa jýyq jáne tómen bolady dep boljanady.
Aıdyń basynda belsendi sıklon yqpalymen Qazaqstannyń basym bóliginde kún kúrkirep, jaýyn jaýady, jel 9-14-ke, keı jerlerde 15-20 m/s-qa kúsheıedi, jekelegen óńirlerde burshaq jaýýy yqtımal. Al ońtústik jáne ońtústik batys óńirlerde antısıklonnyń yqpalymen jaýyn-shashynsyz ashyq aýa raıy boljanady.
Aýa temperatýrasy batysta túnde 15...20 gradýs jyly, kúndiz 30...35 gradýs jyly; soltústikte, shyǵysta jáne ortalyqta túnde 13...18 gradýs, kúndiz 28...33 gradýs jyly; ońtústikte, ońtústik-shyǵysta jáne ońtústik-batysta túnde 20...28, kúndiz 35...40 gradýs ystyq bolady.
Mereke kúnderi (6-9 shilde) Reseıdiń Eýropalyq aýmaǵynan antısıklonnyń kelýine ory aspan ashylyp, soltústikte aýa temperatýrasy 33-38, ońtústik bóliginde kúndiz 42 gradýsqa deıin ysıdy. Sosyn sıklonnyń kezekti enýimen jáne olardyń frontaldyq aǵyndaryna baılanysty aýa raıy qaıta nasharlaıdy dep kútilýde. Aı ortasynda Ortalyq Azııadan jyly aýanyń kelýi temperatýranyń kóterilýine yqpal etedi, ekinshi onkúndik sońynda, úshinshiniń basynda barıkalyq qurylymdardyń ishinara aýysýymen ystyq kúnder salqyn, jaýyn-shashyndy aýa raıyna aýysady.
