Áskerı sambodan uıymdastyrylǵan halyqaralyq jarysqa 300-ge jýyq sportshy qatysty. Saıystyń birinshi kúninde 52 keli salmaqta el namysyn qorǵaǵan jas balýan Esentaı Imahanov kúmispen kúptelse, ózbek sportshysyna jol bergen Tólegen Nurǵalıev qola medaldy qanaǵat tutty.
2016 jyly Túrikmenstandaǵy Azııa chempıonatynda úzdik úshtikten kóringen aýyr salmaqtaǵy Erasyl Qajybaev altynnan alqa taǵyndy. Ol aqtyq synda byltyrǵy Azııa chempıonatynyń jeńimpazy ıran balýanynan aılasyn asyrdy. «Semeı» sport akademııasynyń bıylǵy alǵashqy túlegi Qýandyq Stampolov ta Erasyldyń jeńisin qaıtalap, el mereıin asqaqtatty. О́zge salmaqtarda synǵa túsken Aıan Ramazanov kúmis, 81 kelidegi jas sportshy Qýanysh Rataev pen áıelder sapynda kúresken Aıdana Sultanbekova qola júldeger atandy.
Azamat QASYM,
«Egemen Qazaqstan»
SEMEI
