QR ulttyq ekonomıka mınıstri Tımýr Súleımenov tutynýshylardyń quqyqtaryn qorǵaý salasyn jetildirý maqsatymen 2016 jylǵy sáýirde zańnamaǵa birqatar ózgerister men tolyqtyrýlar engizilgenin atap ótti. Sonymen qatar qurylys normalarymen qarastyrylmaǵan, «Bıznes», «Elıt», «Ekonom» sanattary sekildi, turǵyzylyp jatqan turǵyn úılerdiń synyptamasyna jarnama jasaýǵa, sonymen qosa, bıologııalyq belsendi qospalardyń jarnamasyn ornalastyrýǵa tyıym salynǵan.
QR ulttyq ekonomıka mınıstrligi jekelegen taýar naryqtarynda tutynýshylardyń quqyqtaryn qorǵaý men elektrondy saýda qatysýshylarynyń qyzmetterin tutynýshylardyń quqyqtaryn saqtaý kepildikterin aıqyndaý arqyly retteý jumystaryn kúsheıtýdi josparlaýda. Jarnama jarııalaý, sonyń ishinde, ony ornalastyrý ýaqyty, anyqtyǵy men taýarlardyń tutynýshylyq qasıetteri boıynsha talaptardy kúsheıtý kózdelgen.
Ulttyq zańnama tutynýshylardyń quqyqtaryn qorǵaý máselelerin retteıtin sheteldik normalar men erejelerge sáıkes keltiriledi. Kásipkerlik sýbektileriniń sapa standarttary men taýarlardyń qaýipsizdigin qadaǵalaý boıynsha jaýapkershilikteri kúsheıtiledi.
QR UEM-niń júrgizip otyrǵan jumystarynda tutynýshylyq saýattylyq, sondaı-aq, tutynýshylardyń azamattyq belsendiliginiń deńgeıin arttyrýǵa jáne olardyń taýarlar, quqyqtary men mindetteri týraly aqparattanýyna erekshe kóńil bólinedi.
«Tutynýshylardyń quqyqtaryn qorǵaýdyń ınstıtýsıonaldyq negizin jetildirý tutynýshylardyń quqyqtaryn buzýdyń aldyn alýǵa, naryqtardy sapaly taýarlarmen molyqtyrýǵa jáne de Qazaqstandaǵy tutynýshylardyń qorǵalý deńgeıin arttyrýǵa múmkindik beredi»,- dep sózin túıindedi T. Súleımenov.
Otyrys barysynda qarjy qyzmetterin tutynýshylardyń quqyqtaryn qorǵaý máseleleri jóninde QR Ulttyq bank tóraǵasy D. Aqyshev, medısınalyq qyzmet kórsetý sapasyn arttyrý týraly QR densaýlyq saqtaý mınıstri E. Birtanov sóz sóıledi. Jurtshylyq tarapynan «Qazaqstan tutynýshylarynyń ulttyq lıgasy» basqarma tóraıymy S. Romanovskaıa sóıledi.
Úkimet otyrysynyń máselelerin qaraý qorytyndysy boıynsha QR Premer-Mınıstri Baqytjan Saǵyntaev QR Ulttyq ekonomıka mınıstrligine, ortalyq jáne jergilikti atqarýshy organdarǵa tutynýshylardyń quqyqtaryn qorǵaý boıynsha belsendi sharalar qoldanyp, halyqqa buqaralyq aqparat quraldary arqyly tutynýshylardyń quqyqtary týraly keńinen aqparat taratýdy tapsyrdy.
