QR ulttyq ekonomıka mınıstri Tımýr Súleımenov memlekettik jáne kommýnıkasııalyq menshiktegi kásiporyndar men iri kompanııalardy ótkizý jospary týraly baıandady, «Samuryq-Qazyna» UÁQ nysandaryn jekeshelendirý boıynsha jumys júrgizilýde.
О́z kezeginde, QR qarjy mınıstri Baqyt Sultanov memlekettik menshik jáne kvazımemlekettik sektor nysandaryn satýdy jyldamdatý boıynsha qoldanylǵan sharalardyń aralyq nátıjeleri jáne bekitilgen kesteler aıasyndaǵy aldaǵy mindetter týraly baıandady. 2016 jyldan bastap Jekeshelendirýdiń keshendi jospary boıynsha 221 nysan ótkizildi, 189 nysan qaıta qurý nemese joıý kezeńinde.
«Qoldanylǵan sharalar jekeshelendirý úderisin jandandyrýǵa múmkindik berdi, jáne Keshendi jospar nysandarynyń negizgi bóligi (80% astamy) aǵymdaǵy jyly ótkiziledi. Jalpy, Jekeshelendirýdiń keshendi josparyn iske asyrý boıynsha is-sharalardy ýaqytyly jáne tabysty oryndaý úshin barlyq alǵysharttar jasalǵan», - dedi B. Sultanov.
Otyrys aıasynda «Samuryq-Qazyna» UÁQ basqarma tóraǵasy О́. Shúkeev, «Báıterek» holdınginiń basqarma tóraǵasy E. Dosaev, «QazAgro» holdınginiń basqarma tóraǵasy N. Málelov jekeshelendirý barysy týraly baıandama jasady.
QR Premer-Mınıstri Baqytjan Saǵyntaev memlekettik organdar men holdıngterdiń basshylaryna nysandardy satý kestesin saqtaýdy jáne olardy belgilengen merzimderde ótkizýdi qamtamasyz etýdi tapsyrdy.
Budan ózge, Memleket basshysynyń memlekettik menshikte qalatyn nysandar tizimin daıyndaý týraly tapsyrmalaryn oryndaý boıynsha jumysty barynsha qysqa merzimde aıaqtaý qajet. Ulttyq ekonomıka, qarjy jáne ádilet mınıstrlikterine atalǵan tizimdi bekitý máselesin pysyqtaý kerek.
Atalǵan tapsyrmalardy oryndaýdy baqylaý QR Premer-Mınıstriniń birinshi orynbasary Asqar Mamınge júkteldi.
