Mereke qarsańynda partııa qataryna qabyldandy

«Búgin Elbasymyz Astana tórinde bárimiz úshin qasıetti qundylyq sanalatyn Kók týymyzdy kóterip, úlken merekeniń bastalǵanyn pash etti. Bıylǵy Astana kúni bu­ryn­ǵylar­dan erekshe. Ol, árıne,  búkil álem­niń nazaryn aýdarǵan EKSPO halyq­aralyq kórmesimen tikeleı baılanysty. Qalyptasqan dástúrge saı osynaý keremet mereke qarsańynda biz partııa­myzdyń qataryna elge, Elbasyna qyzmet etýdi qalaıtyn jastarymyzdy qabyldaımyz. О́mirlerińizdegi aıtýly sáttiń Astana kúnimen tuspa-tus kelýi − erekshe maqtanarlyq jaıt. О́ıt­keni, Astana – búkil qazaq­stan­dyqtyń maqtanyshy, álem kóz tikken elimizdiń jaqut-jaýhary. Búginde Astanamyz eshqandaı ásire­leýsiz álemdegi eń ásem ári eń iri qalalardyń birine aınaldy. Bul – Elbasymyzdyń eren eńbeginiń jemisi. Sondyqtan, osynaý kún­men barshańyzdy shyn júrekten quttyqtaımyn», – dedi Muhtar Qul-Muhammed.
Partııalyq bıletterin alǵandar sapynda «Úzdik memlekettik qyz­metshi» respýblıkalyq baıqaýy­nyń jeńimpazdary aqtóbelik Nur­gúl Bertileýova men astanalyq Nazgúl Bajaeva, «Nur Suńqar» júlde­siniń ıegeri, jýrnalıst Anar Karıntaeva, Qazaqstan Res­pýb­­lı­ka­synyń eńbek sińirgen qaırat­keri, estrada ánshisi Altynaı Jora­baeva, jas kásipker Aıjanı Nur­lanova, dáriger-neırohırýrg Erlan Aıaǵanov, doktorant Jangeldi Sha­ıym­betov, asyl tuqym­dy jyl­qy malyn ósirýmen aına­ly­satyn jas sharýa Tólebı Jaqy­baev, qurylysshy-ınjener Kons­tan­tın Orazaev, «Qazfosfat» JShS pesh bóliminiń bastyǵy Er­lan Myńjasarov, ǵalym, mal dári­geri Murat Kákishev, metallýrg Tań­jaryq Tóleý, paýerlıftıngten Qazaq­stan chempıony, Qazaqstan paralımpıadalyq quramasynyń múshesi Kırıll Ostapenko, EKSPO-2017 kórmesindegi erikti­ler bapkeri Sabyrjan Keńshilik, dzıýdo jáne sambodan Azııa men Qazaq­stan chempıony Suńǵat Jubat­qan, «Ulttyq eriktiler jelisi­niń» tóraıymy Vera Kım, ekonomı­ka ǵyly­mdarynyń doktory, petro­pavl­dyq Evgenıı Kendıýh jáne den­saý­lyq saqtaý salasynyń úzdigi, shymkent­tik Janat Toǵaıbekov boldy.
Shara sońynda Muhtar Qul-Muhammed barsha qazaqstan­dyq­ty taǵy da Astana kúnimen quttyqtap, partııanyń jańa múshe­lerine Elbasy, «Nur Otan» partııasynyń Tóraǵasy Nursultan Nazarbaevtyń bastamalaryn júzege asyrýda tabys tiledi.

Qymbat TOQTAMURAT, 
«Egemen Qazaqstan»