BUU: Jappaı qyryp-joıý qarýlaryn taratpaý máselesi qaraldy

BUU Qaýipsizdik Keńesiniń aıa­synda ótken atalǵan bas­qo­sý­da memlekettik emes qu­ry­lym­dar­dyń jappaı qyryp-joıatyn qa­rýlarmen shabýyldaý qaýpi jan-jaqty sóz boldy. Osy oraı­­da jıynǵa qatysýshylar mem­­leketter tarapynan qolǵa alyn­­ǵan sharalarǵa qaramastan, lań­­kestik toptardyń ıadrolyq, hı­mııalyq jáne bıologııalyq qa­rýlardy qoldaný qaýpi kún saı­yn artyp kele jatqanyn bi­raýyzdan atap ótti.
BUU-nyń Qarýsyzdaný má­seleleri boıynsha Joǵar­ǵy Komıssary Idzýmı Nakamı­sý­­dyń sózine qaraǵanda, mem­le­ket­tik emes zańsyz qury­lym­dar ózderine qajetti jabdyqtar men materıaldardy satyp alýda balamaly ınternet portalda­ry, ushqyshsyz ushý apparatta­ry, úsh ólshemdi prınterler se­kil­di ozyq tehnologııalardyń kómegin paıdalanýda. 
О́z kezeginde elimizdiń BUU-da­­ǵy Turaqty ókili Qaırat Oma­rov Qazaqstan tarapy ǵy­lym men tehnıka salasynda ja­salyp jatqan adamzatqa qaý­­­­­ip tóndirýi yqtımal jańa­lyq­­­­­tardy baqylaýǵa alý má­se­le­­­sine toqtaldy. Osy oraıda ol Memleket basshysy Nur­sul­­­­­tan Nazarbaevtyń jappaı qy­­­ryp-joıatyn qarý jasaý já­ne jetildirý úshin paıda­la­­ny­lýy múmkin ǵylymı ja­ńa­lyq­tar­­­dyń Tirkeý reestrin tú­zý qa­­­jettigi týra­ly bastamasyn es­­ke saldy.
О́ziniń qorytyndy sózin­de Q.Omarov jappaı qy­ryp-joıa­tyn qarýlardan qu­ty­lý maq­sa­tyn­da álemdik qoǵam­das­tyq­tyń zaman talabyna saı kúsh bi­riktirýi mańyzdy ekenine na­zar aýdardy. 
Jıynda qatysýshylar ja­han­dy alańdatyp otyrǵan bul má­seleniń mańyzdylyǵyn, bul oraı­da keshendi sharalar qa­byl­daý qajettigin atap kór­set­ti.