Astana kúni qarsańynda Jambyl oblysynda 800 otbasy baspanaly boldy

Jambyl oblysynyń ákimi Kárim Kókirekbaev kezekte turǵan memlekettik, bıýdjettik uıymdar men áskerı qyzmetkerlerge, sondaı-aq tolyq emes otbasylarǵa jáne «Qazaqstannyń turǵyn úı qurylys jınaq bankiniń» salymshylaryna páter kiltin saltanatty túrde tabys etti.

 – Elbasynyń «Nurly jol» ınfraqurylymdy damytý baǵdarlamasy qurylys salasyna jańa serpin berdi. Oblysta sońǵy 25 jyl ishinde 4,29 mıllıon sharshy metr turǵyn úı iske qosylǵan bolsa, ótken jyly «Nurly jol» baǵdarlamasy arqyly 318 myń sharshy metr turǵyn úı paıdalanýǵa berildi. Halyqtyń turǵyn úıge qoljetimdiligin arttyrý maqsatynda bıylǵy jyly «Nurly jer» biryńǵaı baǵdarlamasy qabyldandy. Atalǵan baǵdarlama aldaǵy 15 jylǵa arnalǵan úlken jospar. Mundaı bastama elimizde alǵash ret qolǵa alynyp otyr, – dedi ákim.

О́z sózinde oblys basshysy Kárim Kókirekbaev baspanaly bolǵan otbasylardy quttyqtap, «Nurly jer» baǵdarlamasyn júzege asyrý úshin qalanyń jańa 14 móltekaýdanynyń jáne «Taraz sıtı» zamanaýı turǵyn úı kesheniniń qalaqurylysy jobalary daıyndalǵanyn da jetkizdi.

Aıta keteıik, «Nurly jer» baǵdarlamasynyń aıasynda Taraz qalasynda 3 kópqabatty turǵyn úılerdiń qurylysy bastaldy. Endi «Araı» shaǵyn aýdanyndaǵy 2 úı jyl aıaǵyna deıin, al qalǵan 1 úı keler 2018 jyly «Qarasý» shaǵyn aýdanynda paıdalanýǵa beriledi. Atalǵan alqaptarda kópqabatty turǵyn úılerdiń qurylysyn salý memlekettik jáne jeke zańdy tulǵalardyń bıýdjetteri esebinen júrgiziletin bolady.

Hamıt Esaman,

«Egemen Qazaqstan»

Jambyl oblysy