Sóz saıysyna Meıirbek Sultanhan men Iranǵaıyp Kúzembaev (Astana), Jibek Shahmardanqyzy (Almaty), Dıdar Qamıev (Qaraǵandy), Raýan Haıdarov (Pavlodar), Muhtar Nııazov (Qyzylorda), Dəýren Aqsaqalov (Ońtústik Qazaqstan), О́nerbek Dəýlekenov (Atyraý), Jansaıa Mýsına, Muradym Mırlanov, Aınabek Bısenǵalıev, Baýyrjan Shırmedınuly (Oral) qatysty.
Qazylar quramynda belgili aqyn-jazýshylar Esenǵalı Raýshanov, Svetqalı Nurjan, Mereke Qulkenov, Qoıshyǵul Jylqyshıev, Qonysbaı Əbilov, Amanjol Əltaev, Amangeldi Keńshilikuly, Janarbek Əshimjan Baýyrjan Halıolla, Qalqaman Sarın, Ahmetjan О́zbekov tórelik etti.
Aıtysty ádettegideı Júrsin Erman júrgizip otyrdy.
Batys Qazaqstan oblysynyń əkimi Altaı Kólginov Elbasynyń «Rýhanı jańǵyrý: bolashaqqa baǵdar» atty maqalasynda atap kórsetkendeı, el tarıhyn aqyndar jańa kózqaraspen jyrlaý kerektigin, sondaı-aq qazirgi ýaqytta birlik taqyrybyn arqaý etýdiń mańyzdy ekenin aıtty.
Qadyr Myrza Áli atyndaǵy mádenıet pen óner ortalyǵynda bir kún boıy aıtys qumar jurtshylyqty jipsiz baılaǵan sóz dodasynyń nátıjesinde respýblıkalyq aıtystyń bas júldegeri bolyp – oraldyq Jansaıa Mýsına tanyldy. Jansaıaǵa bas júldege – 1 mln teńge tabys etildi.
Birinshi oryn – qaraǵandylyq Tilegen Ədilovke (700 myń) buıyrdy. Ekinshi júldege (500 myń) Muhtar Nııazov (Qyzylorda) pen Iranǵaıyp Kúzembaev (Astana) laıyq dep tanyldy. 400 myń teńgelik III dárejeli júlde Muradym Mırlanov (Oral) pen Rústem Qaıyrtaıǵa (Almaty) berildi. Oblys əkiminiń orynbasary Marat Toqjanovtyń atynan Muhtar Nııazovqa 500 myń teńgelik arnaıy júlde tabys etildi.
Aıtysty qorytyndylaǵan qazylar alqasynyń tóraǵasy Esenǵalı Raýshanov aqyndarǵa dem berip, jankúıerlik tanytqan Jaıyq jurtshylyǵyna alǵys aıtty.
Qazbek Quttymuratuly,
«Egemen Qazaqstan»
Oral
Sýretti túsirgen Aıbatyr Nurash
