Eriktiler Astanaǵa kelgen qonaqtardy kúlimsirep qarsy alyp, bıletterdiń satylý jaıyn túsindirip, qonaqúılerge jetý, taksı shaqyrý sekildi qyzmet túrlerine keńes beredi. Onyń ishinde EKSPO -2017 halyqaralyq kórmesiniń qyzmeti týraly aqparattarǵa zor kóńil bólingen.
«Qazirgi tańda, osyndaı ǵajaıyp sharany uıymdastyrýdyń nátıjesinde Astana týrıster qyzyǵatyn qalaǵa aınaldy. «Nurly jol» jańa temirjol vokzaly qala qonaqtaryn alǵash kútip alatyn nysan. Vokzal qyzmetkerleri jolaýshylar men qydyrýshylarǵa barynsha jaıly qyzmet túrlerin usynady»,-deıdi «Nurly jol» vokzal kesheniniń dırektory D. Qusaıynov.
Eriktiler vokzal qyzmetkerlerimen birge barynsha jaýapkershilikti sezinedi. «Bizdi «Nurly jol» vokzal keshenine tirkedi. Eriktiler arnaıy daıyndyqtan, til úırený kýrstarynan ótkizildi. Biz Qazaqstannyń basty qalasyndaǵy jańa vokzalda qyzmet etip jatqanymyzǵa maqtanamyz»,-deıdi erikter tobynyń sýpervaızeri S. Ábilova. Eriktilerdiń ár tobynda bes adamnan toptasyp, eki aýysymda qyzmet kórsetedi.
