Jetisý ónerpazdary shaqyrady

Keshe Ortalyq kommýnıkasııa­lar qyzmetinde ótken baspasóz más­lıhatynda Almaty oblysy ákim­i­niń orynbasary Jasylyq Muqash­uly Astanadaǵy Almaty obly­synyń mádenıet kúnderi týraly baıandady. Málimdeýinshe, kórme qonaqtary men qala turǵyndary 11-15 shilde aralyǵynda Jetisýdan kelgen ónerpazdardyń ónerin tamashalaı alady. 
«El tarıhynda qalatyn sharany tamashalaýǵa álemniń túkpir-túkpirinen kelgen mıllıondaǵan qonaqtar bizdiń ónerpazdardyń ónerimen keńinen tanysatyn bolady. Atap aıtar bolsaq, B.Rımova atyndaǵy oblystyq drama teatry, Súıinbaı atyndaǵy oblystyq fılarmonııasy, «Alataý áýenderi» konserttik birlestigi, M.Tynyshpaev atyndaǵy oblystyq tarıhı-ól­ketaný mýzeıi, Kórkemsýret galereıa­sy men Qolóner sheberleri jaqsy daıyndyqpen kele jatyr. Almaty oblysy mádenıet kúnderiniń saltanatty ashylýy «Jetisý – jumaq mekenim» sharasymen bastalady. Al jabylý rásimi shildeniń 15-i kúni Amfıteatrda ótedi. Oblysymyzdan tek qana mádenı sharanyń ózine 332 ónerpaz qatysatyn bolady», dedi Jasylyq Muqashuly. 
Sharanyń saltanatty ashylý rásimi «Qazaqstan» konsert zalynda ótedi dep josparlanǵan. Al 12 shildede Jastar saraıynda «Súıinbaı atyndaǵy Alma­ty ob­lystyq fılarmonııasy men «Qu­lansaz» folklorlyq-etno­grafııalyq ansambliniń qatysýymen «Jetisý – án-jyrdyń ordasy» atty dástúrli ánder konsertin, 14 shilde etnoaýylda «Aýylyń seniń irgeli» atty teatrlandyrylǵan kórinisi men dástúrli konsertin halyq nazaryna usynady. Osy saraıda 13 shildede Altynaı memlekettik halyq bı ansambliniń «Taldy arýlary»  konsertin tamashalaýǵa bolady. 
EKSPO-2017 kórmesiniń kelýshilerine B.Rımova atyndaǵy drama teatrynyń da bazarlyǵy aıryqsha. Máselen, astanalyqtar men qala qonaqtary 11-13 shilde kún­deri «Jastar» teatrynyń sah­nasynda oblystyq teatrdyń tyrnaqaldy qoıylymdarynyń bir parasy «Romeo men Djýletta» tragedııasyn, «Eń jaqsy erkek» komedııasyn, «Ilııas» derekti dramasyn tamashalaı alady.   Al 11-15 shildede Ulttyq-áskerı mýzeıinde M.Tynyshpaev atyndaǵy Almaty oblystyq tarıhı-ólketaný mýzeıiniń «Tarıh betterinen» kórmesi ótedi. Kórmege Almaty oblysynan arnaıy ákelingen tarıhı eksponattar qoıylady. Kelýshiler ǵalym-saıa­hatshy Shoqan Shyńǵysuly Ýálıhanovtyń qoldanǵan  zattary­men osy kórme arqyly tanysa alady. Qazaqstan Respýblıkasy Qarýly Kúshteriniń ulttyq áskerı-tarıhı  mýzeıinde «Ata-baba ańsaǵan Máńgilik El» atty kórkemsýret kórmesi de ótedi. Uıymdastyrýshy – Almaty oblystyq «Kórkemóner» galereıasy. Kórmege galereıanyń negizgi qoryndaǵy buǵan deıin kór­kemónertanýshylardyń jo­ǵary baǵasyn alǵan jergilikti sý­ret­shi­lerdiń týyndylary qoıy­lady. Kór­meni 11-15 shilde aralyǵynda tamashalaýǵa bolady.  Sondaı-aq, Al­maty oblystyq «Usta Dárkembaı» atyn­daǵy qolóner mýzeıiniń tartýy «Shyǵys bazary»   11-20 shilde aralyǵynda  Etnoaýylda  ótpek.  Qol­óner sheberleriniń metaldan, teriden, aǵashtan jasalǵan buıym­dary qonaqtardyń nazaryna usynylady.  Qolóner mýzeıi qyzmetkerleri zergerlik pen qysh óneriniń qyr-syryna qanyq bolyp,  kıiz basý,  toqyma ónerlerinen sheber­lik klastaryn  kórýge shaqy­rady.
Astanadaǵy  Almaty oblysynyń mádenıet kúnderi 15 shildede EKSPO alańyndaǵy amfıteatrda uıymdastyrylatyn «Jeruıyq – jasyl baýlarym»  atty konsertpen qory­tyndylanady.

Dınara BITIKOVA,
«Egemen Qazaqstan»