Foto: gov.kz
«Jalpy ishki óniminiń 40 paıyzǵa, negizgi kapıtalǵa salynǵan ınvestısııanyń 70 paıyzǵa jýyǵy shaǵyn jáne orta bıznes salasyna tıesili. Bul – keıingi jyldary júrgizilgen júıeli jumystyń nátıjesi. Degenmen qazir tabysqa rıza bolyp otyratyn zaman emes. Elimizde azamattardyń bıznespen jappaı aınalysýyna mán berilip, oǵan barynsha jaǵdaı jasalyp jatyr. Biraq mundaı shara búgingi tańda azdyq etedi.
Úkimet kásipkerlikti damytý isinde endi, eń aldymen, sapaǵa aıryqsha kóńil bólýi kerek. Memlekettik kómekti bıznestiń tehnologııalyq deńgeıine jáne sanatyna qaraı saralap berý qajet. Shaǵyn bıznesti qoldaý sharalary naqty ári tıimdi bolýǵa tıis. Kásipkerlerdi «kúnkóris rejıminen» shyǵyp, turaqty damý jolyna túsýge yntalandyrý mańyzdy. Shıkizattyq emes sektordaǵy damý áleýeti joǵary orta bıznesti qoldaý sharalary daıyn ónim satatyn naryq aýqymyn keńeıtýge yqpal etýi qajet», dedi Qasym-Jomart Toqaev.Saqtandyrý jáne qor naryǵyn damytýdyń baǵdarlamasy ázirlenedi
Sondaı-aq Memleket basshysy Úkimetke «Atameken» kásipkerler palatasymen birlesip, shaǵyn jáne orta bıznesti qoldaý saıasatyn túbegeıli ózgertý týraly usynys ázirleýdi tapsyrdy.
Toqaev Úkimetke úı sharýashylyqtarynyń áleýmettik sıfrlyq profılin qalyptastyrýdy tapsyrdy
«Usynystar 1 sáýirge deıin engizilýge tıis. Árbir kásipker smartfon arqyly tikeleı qoldana alatyn birtutas sıfrlyq ekojúıe jasalýy qajet. Qazirgi retteý sharalary kásipkerlerge ákimshilik kedergi týǵyzady, materıaldyq shyǵyn keltiredi. Osy kedergiler men shyǵyndardy azaıtý úshin kezinde shaǵyn jáne orta bıznes nysandaryn tekserýge moratorıı jarııalandy. Biraq moratorıı merzimi aıaqtalǵan sátte bári qaıtadan burynǵy qalpyna tústi.
Mysaly, 2020 jyly 70 myń tekserý jasalsa, byltyr bul kórsetkish 92 myńǵa deıin artqan. Tipti, onyń 85 paıyzy jospardan tys júrgizilgen. Shash al dese, bas alatyn mundaı áreketti doǵarý kerek. Mundaı tekserýlerdiń ornyna medısınalyq qordy nemese jekemenshik mektepterdi, áleýmettik jeńildikter berý júıesin tekserý kerek edi. Retteýshilik reformanyń jańa kezeńindegi basty mindet – blokcheın men jasandy ıntellektini paıdalaný arqyly sıfrlyq modelge tolyq ótý. Bul rette «Retteýshi sary paraqtar» (Regulatory Yellow Pages) qaǵıdaty basshylyqqa alynýǵa tıis. Strategııalyq josparlaý jáne reformalar agenttigi atalǵan jumysty jyl sońyna deıin aıaqtaýy qajet», dedi Prezıdent.Prezıdent: Jańa ári sapaly ınvestısııa tartýǵa arnalǵan birtutas strategııa qajet
