Foto: Strategııalyq josparlaý jáne reformalar agenttiginiń Ulttyq statıstıka bıýrosy
Azyq-túlik naryǵyndaǵy ózgeris
Aqpan aıynda birqatar kókónis baǵasy ósti. Atap aıtqanda, qııar – 3,9%, basty pııaz – 3,2%, apelsın – 0,9%, taýyq eti – 0,6% qymbattady. Al súıeksiz sıyr eti 0,2% tómendedi.
О́ńdelgen ónimder arasynda konservilengen júgeri baǵasy 8,6%, mıneraldy sý 6,8% ósti.
Jyldyq esepte keıbir áleýmettik mańyzy bar taýarlar arzandady: kók shópter (kók pııaz, askók, aqjelken) – 7,6%, kádi – 6,2%, kúrish – 4,3%, qyryqqabat – 1,5% tómendedi. Al meıiz – 8,8%, tátti pechene – 8,5%, bal – 7,2%, qurma – 5,8% qymbattaǵan.
Jalpy alǵanda, jyldyq mánde azyq-túlik baǵasy 12,7% ósti.
Memleket basshysy: Inflıasııany oıǵa qonymdy deńgeıge túsirý qajet
Turmystyq taýarlar baǵasy jáne qyzmet kórsetý salasy
Azyq-túlikke jatpaıtyn taýarlar segmentinde de baǵa qubylýy baıqaldy. Kir jýatyn mashınalar 7,4%, sterıldi tańǵyshtar 3,8%, elektr shaınekter 2,6% qymbattady. Smartfondar 1,7% arzandady.
Keıbir taýarlar boıynsha ósim aıtarlyqtaı boldy: útikteýge arnalǵan taqtaı – 12,4%, stakandar jıyntyǵy – 8,9%, kir jýý untaǵy – 1,5%.
2025 jylǵy aqpanmen salystyrǵanda dýshqa arnalǵan gel 15%, sement 11,2%, jýý jáne tazalaý quraldary 9,3%, túsqaǵaz jelimi 5,7% ósti.
Jyldyq mánde azyq-túlik emes taýarlar 11,6% qymbattady.
Aqyly qyzmetter baǵasy aqpanda 1% ósti. Kınoteatr qyzmeti 2,2%, fotograf qyzmeti 0,5% qymbattady.
Jyldyq kórsetkish boıynsha kıim tazalaý qyzmeti – 14,5%, kosmetolog qyzmeti – 12,7%, jattyǵý zaldary abonementi – 10,1% ósken. Jalpy, aqyly qyzmetter baǵasy bir jylda 10,8% artty.
Tutyný sebetiniń qurylymy
2026 jylǵy qańtardan bastap tutyný baǵalary ındeksin esepteý kezinde azyq-túlik taýarlarynyń úlesi 41,1%, azyq-túlik emes taýarlar – 28,4%, aqyly qyzmetter – 30,5% boldy.
Inflıasııa deńgeıin sıpattaıtyn tutyný baǵalary ındeksi aı saıyn esepteledi. Baǵalar men tarıfterge baqylaý 537 pozısııa boıynsha júrgiziledi. 2018 jyldan bergi dınamıka arnaıy ázirlengen ınteraktıvti dashbordta kórsetilgen.
Ulttyq statıstıka deregi baǵa ósimi barlyq negizgi sanatta saqtalyp otyrǵanyn ańǵartady. Bul úrdis ishki naryqtaǵy suranys pen usynys teńgerimine, sondaı-aq syrtqy faktorlarǵa tikeleı baılanysty.
Jyldyq ınflıasııanyń baıaýlaýy baǵa tómendeýine áserin tıgize aldy ma?
