Mamyr aıynyń basynda birqatar bankter mólsherlemelerdiń kóterilgenin jarııalady. Mysaly, Eýrazııalyq bank «TURBO jınaqtaýshy depozıti» boıynsha mólsherlemeni 20,5%-ǵa deıin jetkizdi. Bul usynys 3 aı merzimge, tolyqtyrý múmkindigimen beriledi. Al 6 aıǵa, tolyqtyrýsyz depozıtter boıynsha JTSM shamamen 20% quraıdy. Eń tómengi salym somasy – 1000 teńge.
Sondaı-aq Home Credit Bank te 3 aılyq, qarajatty sheshý múmkindigi joq «Sberegatelnyı Hoým+» depozıti boıynsha 20,5% mólsherleme usynady. Bul jerde eń az salym kólemi – 10 myń teńge. Budan bólek, bank «Prostoı» jáne «Pochtovyı» ónimderi boıynsha mólsherlemelerdi 16,3%-ǵa deıin ósirgen.
Oblıgasııa álde depozıt: Jınaqty qaıda saqtaǵan tıimdi?
Qazirgi tańda eń tıimdi depozıt usynystarynyń qatarynda:
– Eýrazııalyq bank – 3 aıǵa deıin 20,53% (sheshýsiz),
– Home Credit Bank – 3 aıǵa deıin 20,5% (sheshýsiz),
– BNK Bank – 20,5% (tolyqtyrý jáne sheshý múmkindiginsiz),
– Altyn Bank – 6 aıǵa deıin 20% (tolyqtyrýmen),
– Freedom Bank – «Kapıtal» depozıti boıynsha 6 aıǵa deıin 20% (sheshýsiz, tolyqtyrýsyz).
Sonymen qatar Kaspi, Bank SentrKredıt, ForteBank, Bereke Bank, Nýrbank sııaqty iri bankter de 3 aılyq depozıtterge shamamen 20% mólsherleme usynyp otyr.
Naryqta erekshe usynystar da bar. Mysaly, ıslamdyq Zaman Bank 3 jyl merzimge 20% mólsherleme qarastyrady.
Kaspi.kz-tegi depozıt pen aýdarym talaptary nege kúsheıtildi?
Aıta keteıik, Qazaqstan Ulttyq Banki 2026 jylǵy 24 sáýirde ótken aqsha-nesıe saıasaty komıtetiniń otyrysynda bazalyq mólsherlemeni 18% deńgeıinde saqtap qalý týraly sheshim qabyldady.
