2026 jylǵy 14 naýryzda saǵat 18:00-ge deıin azamat óziniń ýchaskelik komıssııasyna jazbasha ótinishpen júginip, jeke basyn kýálandyratyn qujatty usynýy qajet. Komıssııa oǵan esepten shyǵarý kýáligin tabys etedi. Esepten shyǵarý kýáligin senimhat negizinde ókil arqyly da alýǵa bolady. Senimhatty notarıattyq kýálandyrý talap etilmeıdi.
Esepten shyǵarý kýáligi joǵalǵan jaǵdaıda ol qalpyna keltirilmeıdi jáne onyń tólnusqasy berilmeıdi.
«Bir eldi meken shegindegi basqa ýchaskede daýys bergisi keletin azamattarǵa esepten shyǵarý kýáligi berilmeıtinine nazar aýdaryńyz. Daýys berý kúni ózińiz bolatyn jerdegi ýchaskede esepten shyǵarý kýáligin kórsetińiz. Ýchaskelik komıssııa Sizdi daýys berýge arnalǵan tizimge engizedi», delingen habarlamada.
Tolyq aqparat alý úshin turǵylyqty eldi mekenniń ákimdiginiń call-ortalyǵyna habarlasýǵa bolady.
Eske salaıyq, 15 naýryzda elimizde respýblıkalyq referendým ótedi.
