Foto: istockphoto.com
2026 jylǵy 2-3 sáýir kúnderi Astanada Qazaqstan mashına jasaýshylarynyń XIII forýmy ótedi. Bul forým – mashına jasaý men óńdeý ónerkásibine tikeleı qatysy bar barlyq tarap úshin negizgi dıalog orny. Munda memleket pen bıznes ashyq sóılesip, salanyń qaı baǵytta damýy kerek ekenin birge aıqyndaıdy.
Forýmda naqty ári mańyzdy taqyryptar qozǵalady. Memlekettik ónerkásiptik saıasat qalaı iske asýy kerek, ımportty almastyrýdy qalaı qoldaý qajet, óndiristi tehnologııalyq turǵydan jańǵyrtý joldary qandaı, otandyq zaýyttar men kásiporyndardyń básekege qabiletin qalaı kúsheıtýge bolady – osynyń bári jan-jaqty talqylanady.
Is-sharaǵa 1 000-nan astam adam qatysady. Olardyń qatarynda 20-dan astam elden keletin memlekettik organdardyń ókilderi, bıznes-qoǵamdastyq, iri tutynýshylar jáne mashına jasaý ónimderin shyǵaratyn jetekshi kompanııalar bar.
Forýmmen qatar taǵy bir iri oqıǵa ótedi. 2026 jylǵy 1-3 sáýir aralyǵynda Astanadaǵy «EXPO» halyqaralyq kórme ortalyǵynda «KAZAKHSTAN MACHINERY FAIR 2026» atty halyqaralyq mamandandyrylǵan kórme uıymdastyrylady. Kórmede mashına jasaý salasynyń ártúrli baǵyttaryna arnalǵan zamanaýı tehnologııalar, jabdyqtar men naqty óndiristik sheshimder usynylady.
