06 Qazan, 2011

Bar jaqsylyq – balalarǵa

181 ret kórsetildi
Qyzylorda oblysyna Premer-Mınıstrdiń orynbasary Erbol Orynbaev pen Bilim jáne ǵylym mınıstri Baqytjan Jumaǵulov jumys saparymen keldi. Sapar barysynda meımandar «Mektepke deıingi bilim berýdegi memlekettik-jeke menshik áriptestik» taqyrybynda ótken respýblıkalyq semınarǵa qatysty. Astanadan arnaıy kelgen qo­naq­tar aldymen Syrdarııa aýda­ny­nyń Besaryq aýylyna bardy. Besaryq aýdan ǵana emes, oblys sheńberindegi kórikti aýyldardyń biri. Gúl-maısasy jaıqalyp, qaý­yz­darynan sý atqylap, mádenıet úıi jańaryp, mektebi jarqyrap turǵan aýyl. Bıyl atalǵan eldi mekenniń qurylǵanyna 60 jyl tolyp otyr. Meımandar aýyl halqynyń qýanyshyn bólisti. Byl­tyr osy aýylda úshem dú­nıege kelgen. Mádáli, Maǵaýııa, Marǵulan atty bóbekter birge toldy. Qazaq o bastan yrymshyl halyq emes pe? Úshemniń ata-ana­sy mártebeli meımandardyń al­dy­nan balalaryn alyp shyqty. Sóıtip tusaýyn kesip berýdi ótin­di. Solaısha, úsh náresteniń tu­saý­yn Erbol Orynbaev, Baqyt­jan Jumaǵulov, oblys basshysy Bolatbek Qýandyqovtar kesti. El aǵalary da qurqol kelmepti. Olar úshemniń ata-anasyna jańa úıdiń kiltin tabys etti. Shara barysynda qonaqtar bıylǵy jyly kúrdeli jóndeýden ótken «Bóbek» balabaqshasynyń jumy­symen tanysty. Qyzylorda qalasynda 300 oryndyq «Shuǵyla» jeke menshik balabaqshasy ashyldy. Ony ash­qan «Nuraı» JShS-nyń basshy­sy, belgili kásipker Seıitqalı Alshynbaev. Astanalyq qonaqtar osy balabaqshanyń ashylýyna da qatysty. Balabaqsha 12 topqa arnalǵan. Akt zaly, basseın, oı­yn jáne jatyn bólmesi, asha­na­sy bar. Shyny kerek, bala­baq­sha­nyń ǵımaraty anaý-mynaý kol­ledj­diń ǵımaratyna bergisiz. Premer-Mınıstrdiń oryn­ba­sa­ry bastaǵan top munan keıin «Na­zym» jeke menshik bala­baq­shasyna bardy. Bul baqsha 2009 jyldyń sáýir aıynan bastap jumys jasap keledi. Sonymen qatar «Nazym» eń alǵashqylardyń  biri bolyp memlekettik tapsy­rys berilgen balabaqshanyń biri. Bala­baqsha oblystyq bıýdjetten 70 paıyzǵa deıin memlekettik tapsy­rys alyp otyr. Arnaıy delegasııa №101 orta mektepke de aıaldady. Bul mektep múmkindigi shekteýli balalardy úılerinen oqytady. Jıyn bary­synda úılerinde bilim alatyn oqý­shylardy qashyqtyqtan oqytý sa­baǵy uıymdastyryldy. Sonymen qa­tar 10 múmkindigi shekteýli     bala­lar­­ǵa noýtbýkter tartý etildi. Qalada ashylǵan keń saraıdaı oqý ordasynyń biri – №264 mektep-lıseı. Qonaqtar osy mektep-lıseı janyndaǵy shaǵyn ortalyqtyń jumysymen de tanysty. Onan soń mektep-lıseıde «Qyzylorda dosta­ryn shaqyrady» atty balalar konserti boldy. Sonymen qatar osy jıynda «Úzdik muǵalimder» mara­pat­taldy. Oblys ákimi osynyń aldynda úzdik ustazdarǵa 1 mıllıon teńge kóleminde syıaqy beriletinin aıtqan bolatyn. Búgin sol úzdikter anyqtaldy. Olar: №4 daryndy balalarǵa arnalǵan mek­tep-ınternattyń qazaq tili pániniń muǵalimi Yrysty Shomaeva, «Mura­ger» mektebiniń matematıka páninen sabaq beretin Baltabaı Jámeshev jáne Qazaly aýdanyndaǵy №25 mekteptiń bastaýysh synybynyń ustazy Klara Abylaeva. Onan soń stýdentter saraıynda «Qazaqstan Respýblıkasyndaǵy mek­tep­ke deıingi bilim berý» taqy­rybynda respýblıkalyq semınar boldy. Semınar-keńestiń jumysy «Memlekettik-jeke menshik áriptes­tik, qazaqstandyq mektepke deıingi bilim berýdiń ınvestısııalyq tar­tym­dylyǵynyń sharty retinde» taqyrybyndaǵy kórme jumysymen tanysýmen bastaldy. Kórmeniń maqsaty elimizdegi kásipkerlik ókil­deri men mektepke deıingi bilim berý uıymdarynyń arasynda iskerlik jáne seriktestik baılanystardy ornatýda mektepke deıingi bilim berýde memlekettik-jeke menshik árip­testiktiń perspektıvaly jáne ózekti baǵyttaryn kórsetý bolyp tabylady. Semınar keńeske Bilim jáne ǵylym mınıstrliginiń qurylym­dyq bólimsheleriniń jetekshileri, BUU IýNISEF Balalar qorynyń, IýNESKO-nyń ókilderi, ózge oblys ákimderiniń orynbasarlary, ob­lys­tyq, Astana jáne Almaty qala­la­rynyń bilim basqarmalarynyń bas­shylary, biliktilikti arttyrý ıns­tıtýttarynyń mamandary, qa­la­­lyq, aýdandyq bilim bólimderiniń bas­shylary men mamandary, peda­gogıkalyq joǵary oqý orynda­rynyń, kolledjderdiń basshylary men mamandary oblystaǵy mektep basshylary jáne balabaqsha meń­gerýshileri qatysty. Bul jıynnyń Qyzylordada ótýiniń ózindik sebepteri bar. О́ıtkeni respýblıka bo­ıyn­sha alǵash ret 2009 jyldan bastap jekemenshik balabaqshaǵa ob­lys­tyq bıýdjetten memlekettik tapsyrys berilgen bolatyn. Osy­ǵan oraı, oblysymyzda mektepke deıingi mekememen qamtý deńgeıi ósip otyr. Oblysta búgingi kúni 319 mektepke deıingi uıym jumys jasaıdy. Onda 20233 bala tárbıe­lenýde. Oblys­taǵy 3-6 jastaǵy balanyń mektepke deıingi uıymǵa tartylýy 56,5 paıyzdy qurap otyr. 319 mektepke deıingi uıym­nyń 179-y balabaqsha, 140 mektepke deıingi shaǵyn orta­lyq. Jyldan-jylǵa aımaqta jeke menshik balabaqshalar jelisi ósip keledi. Oblys boıynsha 2008 jyly 5 jeke menshik balabaqsha bolsa, qazir jeke menshik balabaq­shanyń sany 54-ke jetti. Semınardan soń qonaqtar «Nazarbaev ıntellektýaldyq» mekte­biniń» qurylysymen tanysty. Mek­tepte 120 oqýshyǵa arnalǵan jatyn oryn bar. Intellektýaldyq mektep hımııa-bıologııa baǵytyn tereńdetip oqytady. Shara sońynda jýrnalıstermen jolyqqan Premer-Mınıstrdiń oryn­­basary Erbol Orynbaev pen Bilim jáne ǵylym mınıstri Ba­qytjan Jumaǵulov óńirde atqa­rylyp jatqan isterge oń baǵasyn berdi. Erjan BAITILES, Qyzylorda oblysy.
Sońǵy jańalyqtar

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

9 sý qoımasy salynady

Ekologııa • 22 Qazan, 2021

Qaraǵandyda jer úıden órt shyqty

Oqıǵa • 22 Qazan, 2021

Golovkınge qarsy Mýratanyń múmkindigi bar ma?

Kásipqoı boks • 22 Qazan, 2021

Memleket basshysy Asqar Mamındi qabyldady

Prezıdent • 22 Qazan, 2021

Uqsas jańalyqtar