Kezdesý barysynda taraptar Qazaqstan men Chehııanyń dostyǵy men áriptestigin, ózara tyǵyz baılanysyn atap ótti.
О́z kezeginde Májilis vıse-spıkeri eki memleket basshylarynyń arqasynda ornatylǵan joǵary deńgeıli únqatysýdy odan ári jalǵastyrý Qazaqstan jáne Chehııa parlamentshileriniń mindeti ekenin jetkizdi. Osy oraıda G.Isımbaeva men V.Fılıp parlamentaralyq baılanystardy nyǵaıtý qajettigine toqtaldy.
Chehııa Parlamenti depýtattary palatasynyń vıse-spıkeri óńiraralyq baılanystardy damytýdyń mańyzdylyǵyna nazar aýdardy. Chehııa ókiliniń sózine qaraǵanda, yntymaqtastyqty nyǵaıtýda óńiraralyq baılanystardy jandandyrýǵa barynsha kóńil bólý qajet. Bul turǵyda G.Isımbaeva tikeleı ekonomıkalyq yntymaqtastyqtyń tıimdiligin aıta kelip, búginde Qazaqstannyń bes aımaǵy Chehııanyń óńirlerimen qarym-qatynas ornatyp otyrǵanyn sóz etti.
Suhbattasýshylardyń pikirinshe, eki eldiń densaýlyq saqtaý, ǵylym men bilim salalary boıynsha da yntymaqtastyǵynyń keleshegi zor.
