Sala mamandarynyń aıtýynsha, bıyl shetelden 100 mlrd teńge kóleminde ınvestısııa tartý josparlanyp otyr. Al, Polsha delegasııasyn bastap kelgen ekonomıka jáne damý mınıstriniń orynbasary Iаdvıga Emılevıch elordada kásibin sátti ıgerip otyrǵan sheteldik kompanııalardyń aıaq alysyn zerdeledi. Polshalyq ınvestorlar Astanada bıznes júrgizýdiń tıimdiligine kóz jetkizdi.
«Polsha eli birqatar salalarda damyǵan el ekeni belgili. Biz álem boıynsha jıhaz óndirýden altynshy orynda turmyz. Búgin Astanaǵa polshalyq kásipkerlerdi ákelip, olardy qyzyqtyratyn salalardy kórsettik. Atap aıtsaq, qurylys salasyndaǵy hımııa ónerkásibi zaýyttaryn Qazaqstanda kóptep ashqymyz keledi. Meniń oıymsha, biz óndiretin taýarlar jergilikti tutynýshylardyń kóńilinen shyǵady. Sondaı-aq, Astanada farmasevtıkalyq fabrıkalar men temir jol vagondaryn qurastyrý zaýytyn ashý josparda bar. Bul jerde bizdiń jergilikti kásipkerler úshin qolaıly jaǵdaı jasalady degen senimdemin», deıdi Iаdvıga Emılevıch.
